Shillong, Naitung 27: U lat ka jylla Meghalaya U Dr K K Paul mynta ka sngi u la pynpaw ia ka jingsngewsih ka jong u halor ka jingkhlad noh jong u Lat barim ka jylla u Madhukar Dighe.
Ha kane ka khubor sngewlem u Dr Paul u la ong ba u dap da ka jingsngewsih ban ioh ia kane ka khubor jong ka jingkhlad noh jong u Lat ba rim ka jylla Meghalaya ha Gurgaon u duwai ba u blei un ai ka jingtngen ia kiba ha iing ha sem baroh.
U Lat ka jylla u la ong ba u lat barim ka jylla Meghalaya u la dei u wei na ki nongialeh laitluid jong ka Ri India bad ha ka juh ka pork um u Lat kane ka jylla u la noh syniang ia shibun kiei kiei na ka bynta kane ka jylla Meghalaya.
Ki paidbah jong kane ka jylla ki iai kynmaw ia u ia ka jinglong kaba kloi ka jong u ban iarap ia ki paidbah kane ka jylla. U la ong ba na ka liang jong u shimet bad kum juh ki paidbah jong kane ka jylla Meghalaya ki pynpaw ia ka jingsngewsih ia kane ka jingkhlad noh jong u Lat barim bad ki phah ia kane ka khubor sngewlem sha kiba ha iing ha sem baroh ba u blei ka jingsuk un ai ka jingjahthiat ia ka mynsiem.(SP News)
