Shillong, Naiwieng 27: U Chief Executive Member jong ka Khasi Hills Autonomous District Council u bah Latiplang Kharkongor mynta ka sngi u la phah ia ki saw ngut ki kyrteng sha u Lat jong ka jylla ban long ki Executive Member hapoh jong ka KHADC.
Katkum ki thymmei khubor kiba la ioh da u SP News Agency ki iathuh ba na ka liang jong u CEM jong ka KHADC u la phah ia ka kyrteng jong u Bah Ronni V Lyngdoh, Bah Lamphrang Blah na ka seng Congress ka kong Macdalyne Mawlong na ka PDF bad u bah Mitchell Wankhar na ka NPP.
Da ka jingphah jong u CEM ia kine ki saw tylli ki kyrteng ka kam EM kaba dang lait hapoh jong ka KHADC ka long hynriew tylli. Ki lad khubor ki iathuh ba ha ka jingialang jong ka UDF kala shim ia kane ka rai ban phah shuwa ia ki saw ngut ki kyrteng ia kiba dang sah un sa phah ha dien.
