Guwahati, Rymphang 04: U Myntri Rangbah duh, Narendra Modi mynta ka sngi u la pliepaidbah bad buh maw nongrimia ki projek ba shongdor T. 11,000 klur ha Guwahati, Assam. Ki bynta ba kongsan ha nongbah Guwahati ki kynthup ia ki projek ban kyntiew ia ki jingdon jingem ha ki kam ialehkai& ki kam ai jingsumar bad ki lad ka leit ka wan.
Ha ka jingai jingkren ha ka jingialang, u Myntri Rangbah duh u la pynpaw ka jingsngewnguh ban iadonlang ha Assam mynta ka sngi lyngba ki jingkyrkhu jong ka MaaKamakhya ban pliepaidbah bad buh maw nongrim ia ki projek ba shongdor T. 11,000 klur.
U la ong ba ki projek kam pynroi kiba mynta ka sngi kin kyntiew ia ka leit ka wan jong ka Assam bad ki jylla ka thain shateilammihngi kumjuh ruh ki ri ba marjan ha Southeast Asia katba kan kyntiew ruh ia ki lad ioh kam ioh jam ha ki kam jngohkai pyrthei bad plie ki lad ba thymmai ia ki samla kiba donsap ha ki kam ialehkai ha ka jylla.
U la kren ruh shaphang ka jingpyniaria ki jingpule medical bad kam ai jingsumar ha ka jylla namar kine ki projek mynta ka sngi. U Myntri Rangbah duh Modi u la ai khubleiia ki briew jong ka jylla Assam bad ka thain shateilam mihngi na ka bynta ka projek kam pynroi kaba mynta ka sngi bad ai khublei ia ki briew jong ka nongbah Guwahati namar ka jingpdiang burom ia u haba u la wanpoihynnin ka janmiet.
Haba kynmawia ki jingleit ba dang shen jong u sha ki jaka leitpilkrim, u Myntri Rangbah duh u la pynpaw ka jingsngewnguh haba u la poi hakhmat ka MaaKamakhya mynta ka sngi bad buh maw nongrim na ka bynta ka Maa Kamakhya Divya Lok Pariyojana.
Ha ka jingkren shaphang kane ka projek, u Myntri Rangbah duh Modi u la pyntip ba ynda la pyndep ia kane, kan kyntiew ia ki lad ban poi bad ka jingsuk ia ki riewngeit bad kan kyntiew ruh ia ka jingwan ki riewngeit.
“Ka Assam kan long ka khyrdop jong ki kam jngohkai ha ka thain shateilammihngi lyngba ka jingkiew ka jingwan ki riewngeit na ka bynta ka darshan ha MaaKamakhya,” la ong u Myntri Rangbah duh haba u la iaroh ia ki sienjam jong ka sorkar bad u Myntri Rangbah u Dr.HimantaBiswaSarma.
Haba kren shaphang ka jingkongsan jong ki jaka leitpilkrim jong ka ri bad ki temple, u Myntri Rangbah duh u la ban jur ba kine ki jaka kilong ka dak jong ka rukom im jong ngi da ki hajar snem, kaba pyni ruh kumno ka Bharat ka la bat ia kane ka jinglong tynrai wat hapdeng ki jingeh kiba wan na ka por sha ka por.
Ngi la sakhi kumno ki rukom im kiba ju long kiba seisoh ha ki por ba la leit, mynta ki ieng kum ki jingtei ba la julor. U Myntri Rangbah duh u Modi u la pynpaw ka jingbynniaw ia ki sorkarhadien ba la ioh ia ka jinglaitluid kiba la sdang ia ka jingsngew lehrain ia la ka jong ka deiriti bad ka nongrim namar ki jingmyntoi kam sain pyrthei bad kim shym la lah ban sngewthuh ia ka jingkongsan jong ki jaka kyntang jong ka Bharat.
U la ong ba la pynbeitia kane ha ki 10 snem ba la leit lyngba ka jingiarap ki polisi ba phaikhmat ha ka ‘Vikas’ (ka roi ka par) bad ka ‘Virasat’ (ka pateng). Ha ka jingbatai ia ki jingmyntoi jong kine ki polisi na ka bynta ki briew jong ka Assam.
U Myntri Rangbah duh u Modi u la ban jur ia ka jingkongsan ka jingpyniasoh bad ki jaka kiba kyntang bad kiba don bynta ha ki kam historiha ka jylla bad ki lad jingshakri kiba katkum ka juk mynta, ka sienjam kaba thmu ban pynnehpynsah ia kine ki jaka bad pynsted ia ki kam pynroi.
Haba kren shaphang ka jingpyniaria ki jaka pule kum ka IIT bad IIM, u la ong mynshuwa ia kine ki jaka pule la plie tang ha ki nongbah kiba heh. Hynrei, mynta ka rynsan jong ki IIT, IIM bad AIIM ka la saphriang ha kylleng ka ri ha kaba ka jingdon ki medical college ha Assam mynshuwa kalong 6, mynta ka la kiew sha ka 12. U la ong ruh ba ka jylla kan sa long ka jaka pdeng na ka bynta ka jingsumar ia ka jingpang cancer ha ka thain shateilammihngi.
“Ka jingsuk ha ka rukom im kadei ka jingphaikhmat ba kyrpang jong kane ka sorkar”, la ong u Myntri Rangbah duh Modi haba kren shaphang ka jingtei 4 klur tylli ki iing na ka bynta ki briew ba duk, ka jingpynpoikor um, bordingelektrik, ka jingpynioh ia ka gas shetjingshet hapoh ka UjjwalaYojana bad ka jingshna ia ki painkhana hapoh ka Swachh Bharat.
U Myntri Rangbah duh u Modi u la ban jur ia ka jingphaikhmat jong ka sorkar halor ka roi ka par ryngkat bad ka jinghiar pateng ka la long ka jingmyntoi kaba khraw ia ki samla jong ka ri. U la kren shaphang ka jingkiew ka jingshitrhem ha ki kam jngohkai bad ki jingleitpilkrim ha ka ri, u Myntri Rangbah duh u la pyntip shaphang ka jingkiew ka jingleit ki riewngeit ha Varansihadien ba la pyndep ia ka Kashi Corridor.
“Ha u snem ba ladep, 8.50 klur ki briew ki la leit sha Kashi, palat 5 klur ngut ki la leitjngoh ia ka MahakalLok ha Ujjain, bad palat 19 lak ki riewngeit ki la leitjngoh ia ka Kedardham,” u la pyntip.
U Myntri Rangbah duh u la kren ruh shaphang ka jingsakhi ka Ayodhya palat 24 lak ngut ki briew ha ki 12 sngi ba la leithadien ka PranPratishtha jong ka Ram temple. U la ban ruh ba kum kane kajuh ka jinglong kan long hangnehadien ba la pyndep ia ka MaaKamkhyaDivyaLokPariyojana.
La u long u nongniah rickshaw, u nongniahtaksi, u trai jong ka hotel lane u briew ba die jingdie harud surok, u Myntri Rangbah duh u la kren shaphang ka kamaikajih jong man ki briew ba duk kin ioh nong lyngba ka jingtuid ki nongleitpilkrim bad ki riewngeit bad u la pyntip shaphang ka jingphaikhmat jong ka sorkar ha ki kam jngohkai ha kane ka mang tyngka mynta u snem.
“Ka sorkarpdengkan sa sdang ia ki skhim ba thymmai na ka bynta ban kyntiew ia ki jaka kiba kongsan ha ka histori,” la ong u Myntri Rangbah duh u Modi, da kaba ban ruh ia ki lad kiba bun ba don ha ki jylla ka thain shateilammihngi ha kaba iadei bad kane. Kumta, u Myntri Rangbah duh u la ong, ka sorkar ka phaikhmat kyrpang sha ka roi ka par jong ki jylla ka thain shateilammihngi.
Haba kren shaphang ka jingkiew ka jingwan ki nongjngohkai sha ka thain shateilammihngi ha ki 10 snem ba la leit, u Myntri Rangbah duh u la ong watla ka jingitynnad jong ka thain ka la don naduh shuwa kane, ka jingdon ki nongjngohkai sha kane ka thain ka duna bha namar ki jingjiaiaumsnam bad ka jing duna ki jingdon jingem namar ka jingshah iehbein ha ki sorkar ba mynshuwa.
Haba kren shaphang ka jingjaboh ka lyer, ki rel bad ki surok ha ka thain bad ban leitna kawei ka distrik sha kawei pat ka shimpor da ki kynta. U Myntri Rangbah duh u la ai jingiarohia ka jingiatreilang ka sorkarpdeng bad sorkar jylla na ka bynta ka roi ka par ha baroh ki liang ha ka jylla.
U Myntri Rangbah duh u Modi u la pyntip ba ka sorkar ka la kyntiew ia ka jingpynlut na ka bynta ka roi ka par jong ka thain da 4 shah. Haba ianujor bad mynshuwa bad hadien u snem 2014, u Myntri Rangbah duh u la ong ba la kyntiew ia ka jingjrong jong ki lynti rel da palat 1900 kilometer.
La ong ba la kyntiew ia ka mang tyngka ha kaba iadei bad ki lynti rel jan 400 percent bad la shna 6,000 kilometer ki surok bah ha ki 10 snem ba la leit haba ianujor bad 10,000 kilometer haduh u snem 2014. Haba kren shaphang ki projek kiba mynta ka sngi, u Myntri Rangbah duh u la ong ba kane kan pynkhlain ia ka jingpyniasoh bad ka Itanagar.
“Ka jingpynthikna jong u Modikamut ka jingpynthikna ia ka jingpynurlong,” la ong u Myntri Rangbah duh haba kren shaphang ki jingpynthiknaia ki jingdonkam jong ki briew kiba duk, ki longkmie, ki samla bad ki nongrep.
U la kren shaphang ka Viksit Bharat SankalpYatra bad ka ‘Modi’s guarantee vehicle’ ia kaba la buh ban pynpoi ia ki jingmyntoi sha kito ki bym shym la ioh ia ki skhim jong ka sorkar.
“Kumba 20 klur ngut ki briew ha kylleng ka ri ki la iashim bynta ha ka Vikas Bharat SankalpYatra. Bun ki briew jong ka jylla Assam ruh ki la ioh ia ki jingmyntoi jong ki,” u la bynrap.
Haba iasamia ka thong jong ka sorkarpdeng, u Myntri Rangbah duh u la pynthikna ban pynsuk ia ka jingim jong man u briew jong ka ri, ka jingkut jingmut kaba u la ong ba kadei ka dak jong ki jingpynbna ia ka mang tyngka mynta u snem.
Mynta u snem ka sorkar ka la bam smai ban pynlut T. 11 lak klur ha ki jingdon jingem, da kaba bynrap ba ka jingpynlut kaba kum kane ha ki jingdon jingem kan plie shuh shuh ki lad ioh kam bad ka pyntyllunshakhmat ia ka roi ka par. U la ong ruh ba na ka mang tyngka ha ki jingdon jingem na ka bynta ka Assam ha ki 10 snem ba la leit hashuwa u 2014 kalong T. 12 lak klur.
U Myntri Rangbah duh u la kren shaphang ka jingphaikhmat jong ka sorkar ha ki 10 snem ba ladep ban pynpoi bordingelektrik sha man ki iing. U la pyntip shaphang ka rai ba la shim ha ka mang tyngka mynta u snem ban pynduna ia ki bai bording elektrik sha ka zero lyngba ka jingsdang ia ka Skhim Rooftop Solar ha kaba ka sorkar kan ai jingiarap ia shi klur ki longiing ban buh ia ki solar ha ki tnum iing. “Lyngba kane, ka bai bordingelektrik jong ki kan long zero bad ki longiing kin lah ban kamai da kaba pynmih bordingelektrik ha ki iing jong ki,” u la bynrap.
Haba kren shaphang ka jingpynthikna ban don 2 klur ki LakhpatiDidi ha ka ri, u Myntri Rangbah duh u Modi u la pyntip ba ka jingdon ki LakhpatiDidi kalong 1 klur ha u snem ba ladep bad mynta la buh ia ka thong ban don 3 klur ki LakhpatiDidi ha ka mang tyngka mynta u snem.
U la ong ba da ki lak ngut ki longkmie na Assam kin ioh jingmyntoi na kane. U la kren ruh shaphang ki kabu ba thymmai ia baroh ki longkmie kiba iasoh bad ki self help group bad ka jingkynthup ia ki nongtrei Anganwadi bad Asha ha ka skhim Ayushman.
“U Modi u don ka jingkut jingmut ban trei miet bad sngi ban pynurlong ia ki jingkular ba u ai,” la ong u Myntri Rangbah Duh da kaba bynrap ba ka thain shateilammihngi ka don jingshaniah ha kane ka jingkular u Modi.
U la kren shaphang ka jingwan ka jingsuk kaba pura ha ki bynta jong ka Assam kiba shah ktah mynshuwa ha ka jingiaumsnam, bad ruh shaphang ki jingiapynbeitia ki jingiapher jingmut shaphang u pud u sam hapdeng ki jylla. “La dep soi palat 10 tylli ki jingiakut na ka bynta ka jingiasuk,”
u la ong da kaba bynrap ba da ki hajar ngut ki samla na ka thain ki la kyntait ia ka jingiaumsnam bad ki la jied ia ka roi ka par ha kine ki snem ba la dep. U la ong ruh ba napdeng kine, 7,000 ngut ki samla na Assam ki la ieh noh ia ka jingkiengatiar bad ki la kut jingmut ban iatrei lang na ka bynta ka roi ka par jong ka ri.
Ha ka jingkren shaphang ka jingweng ia ka AFSPA na ki distrik ba bun, u la ong ba ki jaka kiba shah ktah ha ka jingiaumsnam ki dei kiba dang kyntiew mynta katkum ki jingthrang jong ki briew bad lyngba ka jingkyrshan jong ka Sorkar.
U Myntri Rangbah Duh u la ban jur shaphang ka jingkongsan ban buh ia ki thong bad u la ong ba ki Sorkar ba rim kim don ka thong bad kim shym la trei shitom. U la ong ba u kwahia ka thain shateilammihngi ba kan kiew kum ka East Africa bad ba kan plié ia ki lad sha ka bynta phangshateibad mihngi jong ka Asia.
La pynkhreh ban pynbha shuh shuh shibun tylli ki surok ha ka thain hapoh ka South Asia Subregional Economic Cooperation, ka ban pynkylla ia ka thain shateilammihngi sha ka jaka pdeng jong ki kam khaii pateng.
U Myntri Rangbah Duh u la kren shaphang ki jingthrang jong ki samla ha ka thain ban iohi ia ka jingkiew ka thain shateilammihngi kum ka East Asia bad u la ong ba u la kut jingmut ban pynurlong ia kane.
U Myntri Rangbah Duh u la ong ba ka thong ban don ka jingim kaba kmen bad kaba riewspahna ka bynta ka India bad ki briew jong ka, ka dei ka daw jong baroh ki kam na ka bynta ka roi ka par mynta.
“Ka thong ka dei ban pynlong ia ka India kum ka ri kaba don ka ioh ka kot kaba heh tam ha ka pyrthei. Ka thong ka dei ka Viksit Bharat 2047”, la ong u Myntri Rangbah Duh da kaba ban jur ba ka Assam bad ka thain shateilammihngi ki don ka bynta kaba khraw ha kane ka kam.
U Lat ka jylla Assam, Gulab Chand Katarai, u Myntri Rangbah ka jylla Assam, Dr HimantaBiswaSarma, bad u Myntri Sorkar Pdeng ba dei khmih ia ka Tnat Ports, Shipping and Waterways bad AYUSH, SarbanandaSonowal ki la iadonlang ha kane ka jingialang ryngkat bad kiwei kiwei de.
