Shillong, Jylliew 18: Ia ka skhim Pradhan Mantri Ujjwala Yojana (PMUY) yn sap lie paidbah la shai ka sngi ha kane ka nongbah Shillong ha Meghalaya State Convention Centre. Ka jingthmu jong kane ka skhim ka long ban ai tyndong lyer ei ia ki long iing kiba duk ia kiba la tip kum ki BPL.
Ia kane ka jingai tyndong lyer ei ia ki long iing kiba duk kan long tang ha ka kyrteng jng ka kynthei briew kiba hap hapoh jong ka BPL. Ia ka jinglut kaba T.1600 tyngka ym bei da ka sorkar pdeng kum kajingiarap ia ki long iing ba duk.
Ban jied ia ki nongioh ia kane ka skhim ym kham ai kyrpang na ka bynta kito ki jaid briew kiba dei ki rit paidbah bad ki riewlum, ka jingjied ia ki briew kan long katkum ka Socio Economic Cast Census, jong u snem 2011 ia kaba la leh ia ka jingjurip da ka tnad Rural Development jong ka sorkar pdeng bad jong ka sorkar jylla.
Ki kynthei kiba don ia ka BPL bad ki bym pat don ia ka tyndong lyer ki lah ban apply thymmai ban ioh ia ka Pradhan Mantri Ujjwala Yojana lyngba ki nongsam tyngdong lyer. Ki kot ki sla kiba don kam ka ki long ka jingpynshisha ia ka jaka sah, ka Bank Account bad Aadhar Card. Ban pynshai paidbah ia kane yn sa don ka jingialang paidbah ban pynshai ha ki jaka bapher bapher.
