Shillong, Jymmang 17: U Bah Sanbor Shullai MLA jong ka 19-Shillong South mynta ka sngi u la plie ia ka surok kaba la dep siang rong thymmai ha Madan Laban ia kaba la shuieh khlem leh ei ei da ka PWD mynta la 24 snem lynter.
Haba ia dei bad kane ka surok na ka liang jong u Bah Shullai kum u MLA u la shim khia bad ia kren bad ki bor ba dei jong ka tand shna surok jong ka jylla bad ha dien jong ka jingiakren na ka liang jong ka PWD kala mang ia ka pisa ban siang rong ia kane ka surok bad mynta la lah ban pyndep ha kaba la plie mynta ka sngi.
Ha kane ka sngi la don lang u rangbah shnong jong ka Madan Laban u Bah Loster Sunn, bah R Marbaniang Secretary bad kiwei kiwei ki seng samla shnong ban ia sakhi ia kane ka jingioh surok rong ia kaba laieh shrah da ka sorkar la bun bun snem.
