Shillong, Lber 19: U Ramkumar S Secretary ba dei peit ia ka tnad ka koit ka khiah jong ka jylla mynta ka sngi u la plie ia ka “National Tuberculosis Programme, Culture and Drugs Susceptibility Testing Laboratory” ha R.P Hospital Shillong.
Haba kren ha kane ka jingialang ban rakhe ia ka World TB Day 2024, u Ramkumar S, la ong ba ha Meghalaya ka jingtest ia ki briew ban shem ia ka jingdon ia kane ka jingpang kam pat poi sha ka 90% kumba la buh thong mynta ka dang kot tang hapdeng 82% ei ei haduh mynta.
U la ong ba kane ka jingpang ka dei kaba lah ban pynkoit lada dih tista ia ka dawai na ka bynta hynriew bnai, kaba kongsan ula ong ba don kam ia ka jingiatreilang hapdeng ki paidbah bad ki briew kiba dei ha ka liang jong ka jingsumar ba ia kit khia lang na baroh arliang.
Ha kane ka jingialang la pynbna ruh ba shen kan sa poi ha C.T Scan Mashin ban pynsuk iaki paidbah ba kin shah test ha kane ka jaka ban lait na ka jingleit sha bar, la ong ba kane ka jingpang ka lah ban don ha u briew kumba shiphew snem ei ei haduh ba kan da paw sha bar dei na kane ka daw ba hap ban sumar bha.
La ong ba kawei ka jingmyntoi ha kane ka jylla Meghalaya ka long ba ka rukoms hong jong ki briew kam long khapngiah kham lait na kane ka jingpang hynrei wat la katta ruh hap ban sumar bniah namar kane ka jingpang mynta ka saphriang na ki bun kid aw.
Ia ka jingkren halor kane ka phang jong ka jingpang TB la kren da ka Dr. B Kharshiing, ha ka jingkren jong kala ong ba mynta kam dei shuh ka jingialeh ban iada ia kane ka jingpang hynrei kala dei ka jignialeh ban pynduh iakane ka jingang kaba larim tam ha ka pyrthei.
Haba phai sha ka jylla Meghalaya kala ong ba ha u snem 2022 kiba don ia kane ka jingpang kilong 4974 ngut bad ha u snem 2023 kala hiar sha ka 4812 ngut, la ong bala buh ia ki jaka tesh ha ki 56 tylli ki jaka ha ka jylla kaba mut man ki blok.
Ha kane ka sngi ia ka jingialanf la pyniaid da ka Dr. Anita Rynjah, la don lang ka Director MI Dr. R. Lyngdoh, ka Dr. J Lyngwa na ka sorkar pdeng ka Dr. Jenifer Kharwanlang, Dr. W. Kharlukhi bad kiwei kiwei de.
Ha kane ka sngi la sam ruh ia ki khusnam sha ki District kiba la trei kam bha ha ka jingiadei bad ka jingiakhun pyrshah ia kane ka jingpang TB bad ia khun ban pynduh namar kala don ka thang ban rat diengkhong ha u snem 2025.
