Shillong, Jymmang 18: Ka FKJGP Upper Shillong Circle kum shibynta ban pynkhlain bad ban pynjanai shuh shuh ia ka seng, ha ka 17th May 2017 ki Nongialam jong ka Upper Shillong Circle hapoh ka jingialam jong u Samla Kitboklang Nongphlang, FKJGP President Upper Shillong Circle ha kaba la synran lang ruh da Nongialam jong ka FKJGP Upper Shillong Circle ki la hiar sha ka Shnong Mawnianglah, 7th Mile, Upper Shillong ban pyn kha sa ia kawei ka Tnad Treikam ia kaba la tip Kyrteng kum ka FKJGP Mawnianglah Unit.
Ha katei ka jingialang kaba la pynlong ha Community Hall jong ka Shnong Mawnianglah, 7th Mile, Upper Shillong la wan ban iashimbynta da kiba bun ki Khun Samla jong ka Shnong Mawnianglah ha ryngkat ka jing ia don ryngkat ki Nongialam bad Nongkit kam jong ka Seng Longkmie bad Seng Samla Shnong Mawnianglah kiba la wan ban pyniasoh noh ialade bad ka Seng FKJGP da ka jingthmu ban pynkhlain ia ka Seng ha kaba kin iohlad ban shakri kham bha ia ka Shnong, ka Thain bad ia ka Jaitbynriew hi baroh kawei.
Ha katei ka Sngi ia ka Jingialang la Pyniaid da u Samla Donald Nongsteng, Genl.Secy FKJGP Upper Shillong Circle, Ha kaba sdang eh jong ka Jingialang la ioh ia ka jingkren na I Kong Sheryna Nongkhlaw, President Seng Longkmie Mawnianglah iba la pynpaw ia ka jing sngewkmen ban ia don ryngkat ha kane ka sngi bad kumjuh ruh da ka jing khmih lynti ba kan don ka jing iatreilang ban rat diengkhong ia kiba bunjait ki jingsniew kum u Droks bad Ka kyiad kiba la sdang ban kynrei ha kine ki sngi kiba mynta.
La ioh ruh ia ka jingkren na u Samla Pynshngainlang Nongkhlaw, President Seng Samla Shnong Mawnianglah uba la pynpaw ka jing sngew kmen ha kaba kum ki Khun Samla jong ka Shnong kin ioh lad ban pyn iasoh ialade bad ka Seng FKJGP namar u la ong ba dei tang ka Seng FKJGP kaba la ju treiborbah ha ka thain Upper Shillong hi baroh kawei ban wanrah ia shibun ki jing kylla ban saindur ia ka imlang ka sahlang, Katba na ka liang jong u Samla Mac Donald Kharkongor, Vice – President FKJGP Upper Shillong Circle u la pdiang sngewbha ia ki khun Samla jong ka Shnong Mawnianglah kiba dang wan ban pyniasnoh ialade bad ka Seng FKJGP ha kaba u la ong ruh ba ka FKJGP Upper Shillong Circle bad ka thain Upper Shillong hi baroh kawei ka long kaba donbok shibun namar ka don ia u Kitboklang Nongphlang kum u Nongialam uba shemphang, u ba la ih ha ka pyrkhat pyrdain bad ia uba la ioh ruh ia ka jingithuh bad ka jing burom ha ka Ri India hi baroh kawei.
Hashwa ban Pyntian Smai ia baroh ki Nongialam bad ki Nongkitkam jong ka FKJGP Mawnianglah Unit na ka liang jong u Samla Kitboklang Nongphlang, FKJGP President Upper Shillong Circle uba dei ruh ha kajuh ka por u Education Secretary FKJGP Central Body u la ong ba ka FKJGP hi ka don ia ka Nongrim bad ia ka Thong kaba shai ban shakri ia ka Jaitbynriew katkum ka Kyntien Phira jong ka Seng ‘Ka Thong ban wanrah ia ki Jingkylla’ la ka long ha ka imlang ka Sahlang, ka Ioh ka Kot bad kumjuh ruh ha ka Synshar ka Khadar, ha kaba u la ong ba ruh ban pynurlong ia ki jingangnud ka long kaba donkam haduh katta katta ban don ia ka Mynsiem jong ka Jingiatreilang ha ki liang baroh ha kaba u la pynpaw ruh ba ha ka jing iaid lynti jong ka Seng mynta la palat 25 snem ka la thom ia shibun ki raieh raidam ha kaba u la ong ruh ba haduh kane ka khyllip mat kaba mynta kum ki Nongialam jong ka FKJGP ngi skhem jingmut triang bad ngim shym la kynriah satia na ka Nongrim ban iakhun ia kiba bun ki issues kiba ktah ia ka iap ka im jong ka Jaitbynriew ha kaba u la kyntu ruh ia baroh ki Dkhot jong ka Seng ba kin long barabor kiba la khreh ha ki jingialeh na ka bynta ka dawbah jong ka Jaitbynriew.
Nalor jong kiwei pat ki Executive Members jong ka FKJGP Mawnianglah Unit, Ki Nongkitkam kiba la shah Pyntian Smai ha kane ka sngi ki long, u Bah Hopewell Kharkongor u la shah jied kum u president, Vice-President u Bah Pynshngainlang Nongkhlaw, General Secretary u Bah Ferry Star Nongkhlaw, Assistant general secretary bah Bah Sharailang Kharnaior, Organizing Secretary Bah Banteilang Warjri bad nalor jong kine la jied ruh sa khyndai ngut ki nongkit kam jong ka seng.
