Mawdem, Nailur 22: Ka Mawdem Area Football Association (MAFA) rygnkat ka jingiasnoh kti lang jong ka seng Hynniewtrep Youth Council (HYC) kala pynlong ia ka jingiakop kynjat ball ia kaba la sdang ha ka 21 tarik Nailur bad kan kut ha ka 16 jong u bnai Nohprah 2016.
Ki kynhun kiba la wan ban ia shim bynta ha kane ka jingialehkai kaba la khot nyngkong eh ha kane ka thain ki don haduh phra tylli, kine ki kynhun ki dei na ki shnong kiba don sawdong jong ka shnong Mawdem, kum ka Balakhwa, Rajakhomai, Belahari bad kiwei kiwei.
Ia kane ka jingialehkai la plié da u Bah Moonshine Shadap president jong ka North Khasi Hills jong ka seng HYC, kiwei kiba la ia donlang ha kane ka sngi ki long u Bah Nikson Dohling, organizing secretary jong ka seng kmie, u Bah Wankupar Dyia president jong ka Mawdem Unit.
Ha kane ka sngi sdang jong kane ka jingialehkai kynjatball, la sdang da ka Turshaphrang FC bad ka Nongnah FC. Kum kane ka jingialehkai ha katei ka thain ka long ka sien kaba nyngkong kum kane ka jingialehkai ha kane ka thain Mawdem.
