Shillong, Naitung 22: U Myntri kam poh iing ka sorkar jylla u Bah Lahkmen Rymbui ba dei ruh u MLA jong ka Amlarem u la ong ba la pynbna “Containment Zone” ha ki hynniew tylli ki shong kiba dons aw dong ka Amlarem namar ba 3 ngut ki briew la test COVID-19 Positive.
Haba kren ha ki lat pathai khubor mynta ka sngi la iathuh ba ki shnong kiba la hap hapoh kane ka Containment Zone ki long ka, Amlarem, Krangpamtdong, Amsarim, Ladjaplem, Amshipai, Lai Lyngdoh bad ka Amlatdoh.
La iathuh ba ha ka sngi Saitjain ka tnad ka koit ka khiah kala pynlong ia ka jingtest naphang ia ki briew namar ka dei ka sngi iew Amlarem bad ha katei ka sngi la shim 40 tylli ki nongmuna bad haba ka kaiphot kala ioh ha ka 21/07/2020 la shem ba lai ngut ki long COVID-19 Positive.
Kine ki lai ngut kiba la test COVID-19, u wei u dei u ba don ia ka dukan khap snniuh, kawei ka dei kaba dei sha bad kawei kaba die doh syiar. Ka jingpynjari ia katei ka thain kum ka Containment Zone ka long ba tnad ka koit ka khiah kan dup lah ban leh ia ka jingwat bniah ia ki briew kiba la don jingiadei bad kitei ki briew.
Na ka liang jong u myntri u la ong ba ka sorkar kan shim ia ka baroh ki lat ki lynti kumno ban iai da ia ki briew bad ban peit ba kane ka jingpang kan nym saphriang, la ong ba kine ki lai ngut kiba la ioh ia kane ka jingpang ym pat lah ban tip na ei ki ioh ka tand ka koit ka khiah kin dang wat bniah.
U Myntri u kyntu ia ki paidbah ba kin bud ia ki jingbthah jong ka sorkar ban iada ia lade bad ia ka iing ka sem ruh kum juh, na ka liang jong u myntri u kit bok ia kine ki briew ba kin ioh noh ia ka jingkoit jingkhiah kham kloi.
