New Delhi, Rymphang 01: Ka myntri jong ka sorkar pdeng kaba dei peit ia ka tnad pla pisa jong haba wanrah mynta ka sngi ia ka mang tyngka na ka bynta ka snem 2022-2023 kala kdew ba na ka bynta ki kam pynroi ha ki jylla ba dei ha North East ka long T.1500 klur tyngka.
Kane ka jingpang ia kane ka pisa kan dei tang na ka bynta ki skhim kiba thymmai bad ia kane ka rukom bei pisa ha ki skhim kiba thymmai la tip kum ka PM Gati Shakti bad ki skhim kan long na ka bynta ban kyntiew ia ka imlang sah lang la pynbna ka mytnri pla pisa ka Nirmala Sitharaman.
Kane kan long kyrpang ia ki samla bad ki long kmie kane ka jingmang pisa ka dei na ka bynta ki skhim thymmai ka myntri kala kren shai ba kam dei ka skhim ka ban mih bujli ia ki skhim kiba la dep don lypa.
La ong ba ki tnad jong ki sorkar pdeng ruh ka sorkar kan sngew hynrei kaba kongsan eh kan dei na ka jingai jingmut jong ki sorkar jylla, na kane ka jingmang pisa ia ki skhim kiba thymmai ki don 8 tylli.
Na kine 7 tylli ki dei kiba la dep ban mang pisa katba ha ka bynta kaba 8 pat la shu ong kiwei ki skhim ia kaba la mang T.537 ngut na ka mang tyngka kaba T.1500 klur. Ha kane ka jingbuh ia ki skhim ka jylla Meghalaya kam shym paw kyrteng.
