Shillong, Rymphang 01: Ka seng samla jong ka party HSPDP kala shim ia ka rai ban shna iing ia kiba duk tam hapoh Mawthadraishan bad ia kane kin leh ha dien ba la ioh ia ka jingai jingmut na ki sordar shnong.
Haba kren ha ki lat pathai khubor u bah Sandondor President ka seng samla la ong ba kum ka seng samla ka don ka jingthmu ban shna iing ia kiba duk ha Mawthadraishan bad la aiti ha ki sordar shnong ban jied ia kiba dei ban iohi ia kane ka jingiarap.
U bah Michael Thongni Secretary la ong ba ba ia ka jing iakop thoh essay ka lah ban long da ka online bad offline bad ia kine ki essay ki lah ban phah ha ka email jong ka seng bad ia ka offline pat ki lah ban phone ha ki number phone bad ki dkhot jong ka seng kin sa wan ban shim bad ka tarik kaba khatduh ban pynpoi ia ki essay kan long 21 tarik Iaiong 2022.
U Secretary ka seng samla ka HSPDP la ong ba da ki hajar ngut ki samla na kylleng kila wan ban pyniasoh ia lade bad ka party, la iathuh ruh ba ha ka sngi ba kin leit ban aiti ia u shabi sha kito kiba dei ban ioh ia ki iing ba duk ba ki la pynshna kin pynlong da ka jingiaid paidba da ki Bike.
