Shillong, Jymmang 13: ka kynhun lehnoh na Garo Hills kaba la tip kum ka Garo National Liberation Army (GNLA) mynta ka sngi kala dang ringswai shuh shuh ha kaba 24 ngut ki dkhot jong ka kila wan banpyndem wait ha khmat jong u Chief secretary jong ka jylla u KS Kropha.
Ia kane ka kynhun jong ka GNLA kaba la wan banpyndem wait mynta ka sngi la ialam da u Area Commander u Chingnang ia kaba la tip ruh ia u kum u Nun.
Kane ka kynhun lehnoh kaba la wan ban pyndem wait, nalor jong u Area commander, ka kyrteng jong kine ki long kumne harum, u Hedeo Ch Momin @ Karak (34), Sengrak M Marak@Dimbreng (24), Josbell Ch Marak@ Kising, Joshua N Marak@Oc@Jikal, Rakesh T Sangma, Elpiush M Sangma, @Sangbin, rakbat M Sangma@Malsin, Nikseng Ch sangma@Warrang, Juningbirth M Sangma@ Bandi (24), Chapret M Marak @ Lotip, Rikseng R Marak @ Big shot, Dohan M Marak, Golden M Sangma@ Sengsan, Laskar N Marak, Sylvanus G Momin, Tengkrang A Sangma, Rakman M Marak, Dominic R Marak, Francis M Sangma @ Mbi, Alpha Ch Marak @ Kengrik (22), Rikrak Ch Marak @ Salgrik (21), Lohon M Sangma @ Adu (25), Archie Ch Marak @ Kating (26).
Ha kane ka sngi kine ki lehnoh ym tang ba ki wan ban pyndem ïalade ha khmat ka sorkar hynrei kila wan rah lang ruh bad ki shibun ki tiar ialeh naduh ki AK.56, ki pistol ki kuli bad kiwei kiwei ki tair ialeh, ia kane ka jingwan pyndem jong kine ki lehnoh la pynlong ha Police Head quarter.
Mynta u snem 2016, ha ka jingïakhun pyrshah ia ki lehnoh ha Garo Hills la ioh ban kem haduh 136 ngut ki dkhot ka GNLA, 119 ngut kiba la wan ban pyndem wait bad ha kane ka jingkhynra ia ki lehnoh ha Garo Hills laioh ruh ba kurup shibun ki tair pynbethei bom na ka kynhun jong ki seng lehnoh.
