Shillong Jymmang 03: Ka Seng Khasi SSA LP bad UP School Lawbah hynne ka sngi kala pynhap pyrda noh ia ka Annaul Sport Meet 2018 ha kaba u MLA ka Mawsynram Constituency u Bah Himalaya Shangpliang u la long u kongsan.
Ha kane ka sngi ba pynhap pyrda ia ka sport meet jong ka Seng Khasi SSA LP bad UP School Lawbah la wan ban sakhi lang ruh da ki kmie ki kpa ki riew rangbah bad kumjuh ruh ki nong pyniaid jong kane ka skul.
Ha kane sngi ba pynhap pyrda ia ka taiew leh kmen ki khynnah skul kala long shisha ka sngi ban sah kynmaw bad kaba pyndap jingkmen ym tang ia ki khynnah jong kane ka skul hynrei wat kumjuh ruh ia ki kmie ki kpa bad kumjuh ruh ia ki nonghikai kumjuh ruh ia ki dkhot jong ka Managing Committee jong ka skul.
Kane ka dei hadien ba u MLA u Bah Himalaya Shangpliang u la iohi ia ka jingduna jong ki khynnah skul namar ba don ki khynnah skul kiba ym don ia ki uniform kiba biang bad kiba la jot la pei kumta u MLA u la bthah ia ki dkhot jong ka MC ba kin ai jingkhien ia ka jingdon jong ki khynnah khnang ba un lah ban pynbiang ia ka uniform ka jong ki.
Haba kren kum u kongsan na ka liang jong u Bah Shangpliang u la ong ba kane ka taiew leh kmen ka jong phi ka long ban leh burom ia phi kiba la lah ban jop ha ki jingiakhun bap her bapher ha kane ka annual sport.
Kane ka annual sport meet ka don la ka jong ka jingmut bad ka jingmut jong kane ka long ban pynshlur bad ai mynsiem ia phi ki khynnah pule namar ba phi ioh ia ka lad ban ia shim bynta ha ki jingialehkai bapher bapher ban iakhun iwei ia iwei pat bad ruh ban pynduh noh ia ka mynsiem jong ka jinglehrain na ka bynta ban pyntbit bad ban pynbha ia lade.
Ha kane ka por nga iohi ba bun ki khun khynnah ki bym biang ia ki uniform bad ki patlun kila pei kumta nga kyrpad ia ka MC ban ai jingkhein ia ka jingdon ki khynnah kiba duna ha ka uniform ba ngan ioh ban ai ia ki uniform ia ki..ki bym biang ki uniform bym biang ki juti ki muja bad kiwei kiwei ba ka MC kan ai kyretng khnang ba ngan ioh ban pynbiang.
Mynta ba la dei ka por slap nga kular ba ngan aid a ka rain coat ia baroh ki 2 spah ngut ki khynnah skul khnang ba kane kan ym pynduh mynsiem ne khang lad ia ki ban wan sha skul khamtam eh ha ki por slap.
Ha kajuh ka por u Bah Shangpliang u la kyntu ruh ia ki kmie ki kpa ba ki dei ban ai mynsiem ia ki khun bakim dei ban sangeh noh ia ka jingpule tang shiteng por bad na ka liang jong ka MC ka dei ban peit bha halor kane halor kito ki long iing kiba shem shitom khnang ba ngan lah ban ai ka jingiarap.
