Shillong, Lber 29: Ki nongialam jong ka seng BJP hapoh ka jingialang jong u Braining R Marak na ka BJP la pyniasoh sha ka seng All India Trinamool Congress u dei u kyrtong jong ka Dadenggre ha ka elelshon MLA bala dep.
Ki wei ki nongialam seng sain pyrthei kia la pyniasoh sha ka AITC kilong u Witjeng N Sangma, u Panseng R Marak baroh ar ngut na ka party RPI, na Dalu, u Indrash M Marak na ka RPI ba na Rangsakona, bad u Jhim Carter M Sangma na ka RPI na Gambegre.
Baroh kitei kiba la pyniasoh sha ka AITC kila wan lang bad ki nongkyrshan jong ki kaba kila jied bad bud ia u Dr. Mukul Sangma kum u nongialam, kila don ruh kumba 60ngut ki nongkyrshan ka NPP bad palat 80 ngut ki nongialam ka BJP kiba la pyiasoh sha ka party.
Kitei ki dkhot jong ka NPP bad jong ka BJP ki dei na ki ar tylli ki konstitwensi ka South Tura bad North Tura Konstitwensi Assembly kiba la pyniasoh bad ka party AITC shuwa kane ka MP elekshon.
