Shillong, Iaiong 07: Mynta ka sngi ki nongialam jong ka party BJP kiba dei hapoh jong ka Salmanpara Legislative Assembly Konstitwensi kila pyniasoh bad ka party All Indian Trinamool Congress shuwa ka elekshon MP sha Lok Sabha 2024.
Kine ki nongkyrshan ka BJP kiba la leit ban pyniasoh sha ka TMC ki dei na Tarapara bad Magurmari bad kila palat hajar ngut bad kine ki shnong ki hap hapoh ka Salmanpara Legislative Assembly Konstitwensi ha Garo Hills District.
Ia kine ki nongkyrshan ka BJP kiba la pyniasoh sha ka TMC la pdiang sngewbha da u kyrtong ka TMC u Zenith M Sangma kyrtong ka party ba ia khun ia kane ka MP elekshon na ka 2-Tura (ST) Parliamentary Konstitwensi ha ka jingiadon lang ki nongialam ka party.