Shillong, Jylliew 28: U Additional Deputy Commissioner ba dei peit ia ka Pynursla Civil Sub-Division, Pynursla la pynjari ia ka kyndon 144 CrPC ban khang pyrshah ia ki trok kiba kit palat pud kiba iaid ha jingkdieng Dawki.
Na ka liang jong ka ophis jong u Additional Deputy Commissioner kala pynjari ia kane ka hukum ha dien ba la ioh jingtip ba ki trok kit mar kiba iaid na kane ka jingkieng kila kit palat ia ka 9 tone kaba long pyrshah ia kaei kaba la buh na ka ophis jong u Executive Engineer, PWD (Roads), National Highway Division, Shillong.
Wat hapdeng kane ka jingmana na ka liang jong ka ophis la ioh jingtip ba ki dang don ki draibar trok kiba la kit palat ia ka khyndai tone. Na ka liang jong u u Additional Deputy Commissioner la ong ba ia kane ka jingpynjari ia kane ka kyndon 144 CrPC kan trei kam noh mardor.
