Shillong, Naitung 21: Ka sorkar Meghalaya mynta ka sngi kala shim ia ka rai ban pynkiew noh ia ka jingai grant na ka bynta ki nonghikai kiba hikai ha ki adhok skul kiba dei jong ki secondary bad jong ki higher secondary skul kane ka jingpynkiew ka long da 100 na ka shispah, ha kaba ki 3212 ngut ki nonghikai ha ka jylla kin ioh ia ka jingmyntoi.
Ha ka jingpynlait khubor mynta ka sngi na ka tand pule puthi jong ka sorkar jylla ia kaba la soi da u Bah DP Wahlang Commissioner bad Secretary, jong ka education Department , kala ong ba kinonghikai ha ki secondary school kiba ioh tulop T.10,000/- mynta kin ioh noh T.20,000/-.
Ki nonghikai ha ki higher secondary kiba ioh tulop mynshuwa T.12000/- mynta kin ioh noh T.24,000/- katba ki nonghikai science kiba ioh tulop T.11,000/- mynta kin ioh noh T.22,000/-. Baroh ki nonghikai kiba don ha kine ki skul ki don 3212 ngut bad ki skul ki don 1068 tylli baroh ha ka jylla.
Da kane ka jingpynkiew ia ka tulop jong ki nonghikai ka sorkar jylla mynta ka hap ban seitam na ka pla pisa jong ka da sawphew klur ha ka shisnem na ka bynta kitei ki nonghikai.
