Amlarem ,Risaw 10: Ka Elaka Satpator sa shisien biang ka la bteng biang ia ka jing pynkup burom ia ki khynnah jong ka Elaka na kawei ka snem sha kawei ka snem bad ka kane ka dei ka sien kaba phra jong ka jing pynkup burom kaba kum kane na ka bynta ia ki samla pule na jing pule bapher bapher ha ryngkat ka jingdon lang U bah Stephanson Mukhim (MLA) kum u kongsan , Daman Lakashiang , Lamdibok Sumer (, Kennedy Shylla, Froviling Pakyntein , K. Pohshna President Synjuk Rangbah shnong ,Ki Riewrangbah jong ka Elaka bad Lem bad ki khynnah pule kiba la ia don lang.
Ha kane ka jingpynkup burom la don kumba 20 ngut kiba ioh ia kane ka jing pynkup burom bad 4 ngut na kine kiba ioh pynkup burom kiba Khynthup ia Ms Samhakani Suja kaba la ioh 86.02 % ha ka HSSLC ,Mr Peter Buam Uba la ioh 85.6 % ha ka SSLC, Mr Hunbait I Lakashiang uba la ioh 81. 83% ha ka SSLC bad I Mr Bedingfield Lyngdoh uba la ioh 80. 02 % ha ka HSSLC ki la ioh mar mar ka wei ka Laptop lyngba ka jingiarap I MLA U Ma Stephanson Mukhim namar ba kine ki la ioh ia ka 80% shaneng na ki Mark jong ki.
Ha shwa ba kin sam ia kine ki khusnam kila pynlong ruh ia ka meeting ka shipor lyngba ka jingkren kyntu kynpham na liang u kongsan Ma Stephanson Mukhim, L . B Sumer, F . Pakyntein, K. Pohshna bad na kawei na ki Samla pule Ms Samhakani Suja.
Haba I Kongsan Ma Stephanson Mukhim I ai jingkren I la jingiaroh nongkong eh ia kine ki samla pule kiba la ioh khusnam namar la ka jing trei shitom ka jong ki kaba la lah ban pynlong ia kane ka prokram da kaba u kyntu ruh ia ki ba kim dei ban pyrkhat ba tang ia kane ka Award la biang na ka bynta jong ki hynrei ki dei ban ia leh shitom na ka wei ka por sha kawei ka por khnang ba ki lah ban wanrah burom ym tang ia iing ka sem jong ki hynrei ia ka thain bad ia ka jaitbynriew hi baroh kawei da kaba u ong ruh kane ka juk ka dei ka juk kaba eh khamtam ha ba ki poi sha Sor ba phim dei ban klet ia la ka jong ka tynrai la jong. Shuh shuh u la ong ruh ia ki khynnah pule ba ki dei ban don kata ka jing thmu na ka bynta lawei jong ka jingim jong ki bad kin long ruh ki khynnah kiba don ka akor ka burom.
Ha ka juh ka por na u kongsan u la ong ba na ka liang jong u ruh u la kyrpad ia u CEM jong ka JHADC u Ma Thombor Shiwat ba un ai ia ka 10 Lak na ka bynta ka Fencing bad Footpath jong ka iing dorbar jong ka Elaka da kaba u la kyntu ruh ia ki rangbah jong kane ka Elaka ba ki dei ban don ka jingiatylli na ka bynta kano kano ka kam ba bha jong ka im lang sah lang namar lada kim don kata ka jingiatylli kin sa shah ngiuhroit ha kiwei pat bad ha ka juh ka por u la ong ruh lada kino ki jingeh jong kane ka Elaka u la long la kloi ban ia trei lang ia kata ki jingeh.
