Shillong, Jylliew 18: Ka State Disaster Response Force (SDRF) kala pynkut mynta ka sngi ia ka jingwad ia ki met jong kiba la khlad ha kane ka jingshah ban ha ka jingtwa khyndew kaba la jia ha Tharia, Ri Bhoi District ha dien 38 kynta. Kiba la khlad ha kane ka jingshah ban ha ka jingtwa khyndew kiba khlad ki long baroh san ngut bad kiba mynsaw ki long khyndai ngut.
Ia ka met jong kawei ka long kmie kaba pat lap mynnin ka sngi la lap mynta ka sngi bad la ong ba kane ka long kmie ka rta jong ka ka kot sha ka 52 snem ei ei ia kaba la lap mynta ka sngi ha ka por jan miet ia kaba ym pat lah ban tip kyrteng.
Ka jingwad ia ki met kiba la shah ban khyndew kala sdang naduh mynnin ha ka por 9 baje mynstep da ka kynhun jong ka State Disaster Response Force kaba don 12 ngut, ha kine ki 38 kynta kine ki pulit kila trei shitom ban pyndep ia ka kam ka jong ki ha kaba la don lang ruh ki trai shnong na katei ka jaka.
Katkum ka jingiathih jong u ophisar ba dei peit ia ka SDRF ka jingwad ia ki met kiba jah ka la neh kumba 38 kynta ei ei bad la pynkut mynta ka sngi ha ka por shiteng sngi ha dien ba la lap ia kawei ka long met jong ka long kmie kaba kim pat lap mynnin ka sngi.
