Shillong, Nailur 25: ka State Disaster Response Force (SDRF) ryngkat ka tnad Fire and Emergency Services kala trei shitom ban iarap ia ki briew ha ki jingshah lynshop ha ka mariang kiba la jia ha Shillong, Kynshi na ka daw jong ka jingjur jong u slap ha kine ki sngi.
Haba ia dei bad ka jingtwa khyndew ha Lumparing parmaw kaba la leit ban lynshed ia ki lai tylli ki iing, ha kaba san ngut ki briew kila shah tap khyndew na kin ear tylli ki met la ioh ban sei bad ka jingpyrshang kan dang iaid ba ioh sa ki lai tylli ki met kiba dang jah.
Haba ia dei bad ka jingshlei um ha Kynshi-Bangla ha West Khasi Hills District kila ioh ban pynlait 37 ngut ki briew kiba la sah kut ha ka jingshlei um kiba don sha bynta ba kham long madan ha shi lynter jong ka surok bah NH-44(E).
Na ka liang jong ka SDRF kala iarap ruh ban pynkhuid halor ka jingkhyllem ka kynroh kaba la jia ha Laitumkhrah Nongrimaw.
