Shillong, Rymphang 05: Ka sngi iajied nongmihkhmat sha ka Dorbar Thaw Ain jong ka KHADC & JHADC ka la nang jan, ka United Democratic Party (UDP) ka wanrah hakhmat ki Paidbah Nongjied jong ki Constituency bapher hapoh jong u pud u sam ka KHADC bad ka JHADC. Ha ka 5tarik Rymphang 2025 ka seng UDP ka la pynlait paitbah ia ki mat ki jura bad ki nongrim ba ka parti ka ieng ha kaba iadei ka elekshon District Council.
Ha kane ka jingpynlait ia ka mat treikam ka seng United Democratic Party kaba don 20tylli ka seng ka buh ha khmat halor Ka Jingpynkuphor ia ki District Council, U Pud u sam ka Jylla, Ka Jingkyntiew in ki Riewium Itai Ri.
Ka Jingpyrshah halor ka jingshah thombor ki riti dustur, Ka Synshar Khadar kaba Khuid, Ka koit ka khinh kat kum ka Jingsumar Trai Ri, Ka jingkyntiew ia ki Ktien ha ka Jylla, Ka hok halor ka khyndew ka shyiap bad ki Mar Pohkhyndew.
Ka Jingiada Mariang ha ka khuid ka suba, Ka jingpynlong ain noh ia baroh ki riti dustur jong ki Hima/Elaka hapher bapher, Ka Jingteh lakam laka jingrung kyrthep ki Poiwir Barri had Barjylla, Ka Khaïi ka pateng bad ki iew ki hat, Ka jingpynkhlain ia ki ling Kashari.
Ka jingpynkhlain ia ka pla tyngka jong ka Konsil, ka jingpyntreikam ia ka Aiñ Shna ling (Buiding Bye law) bad kiwei ki kam pynroi ha ki jaka sor, Halor ka jingpynneh bad jingkyntiew ia ka Riti Dustur (Arts and Culture), Ka kam ri dohkha, Ka jingialeh pyrshah ia ki kam sniew.
Ka jingburom ia ki briew ba duna ha ki dkhot met Kum ka jingburom ia ki briew ba duna ha ki dkhot met (People With Disability), Ka jingpynbha bad pynkhlain iaka rukom treikam hapoh ka District Council.
Ia ka mang treikam ka UDP la pynlait paitbah da u senior working President ka UDP ha kaba la iadonlang u bah Titostarwell Chyne uba long kum u President ka UDP East Khasi Hills, u bah Renikton Thongkhar MLA, u Dr Jemino Mawthoh General Secretary ka UDP, ki nongialam ba hakhmat ka UDP bad katto kane ki kyrtong MDC ki ba aireng ha kane ka election 2025.
