Shillong, Iaiong 8: U wei u briew uba na ka shnong Klew, Ri Bhoi District katba u dang thmu ban leit khwai sha ka thain umniuh khwan kaba don hajan UCC, u la ngam jyllop bad khlad noh hadien ba u la dep ban pyllait im ia la u jong u khun.
Une u briew uba la khlad noh la tip kyrteng kum u Bah Mahamsing Sten 38 snem ka rta, bad kane ka jingjia kala jia hynnin ka sngi u Blei ka 7 tarik u Ïaiong. Ia ka met une u rangbah la ioh ban sei noh mynta ka step 8 tarik u Ïaiong
katkum ka jingtip la ong ba kine ki don phra ngut baroh kiba thmu ban leit khwai, Katkum ka jingtip ba la ioh la iathuh ba kawei ka lieng ba shong saw ngut ki briew kala lait bad kane ka lieng ba shong une u briew uba la khlad ka dang don hapdeng bad namar ka jingjur palat ka lyer kane ka lieng ba ki shong kala ngam noh.
Ha kane ka jingjia katba ka jingiathuh ki briew na katei ka thain kila ong ba une u rangbah hadien ba la ngam ka lieng ha um da shillaing kti u rah beit ia u khun shajrong ka sla um bad hadien ba u la lah ban pyllait im ia u khun u la ngam jyllop noh ia lade.
La lah ban sei noh ia kane ka met une u rangbah kadei da ka jingdon lang jong ka kynhun SDRF lem bad ki paidbah jong ka shnong.
