Shillong, Naitung 01: Ka Deputy Commissioner jong ka South West KHasi Hills District ka kong Isawanda Laloo, kala ong ba ka jingiada ka kham bha ban ia ka jingpynkhiah, ia kane kala kren ha ka jingpyndih dawai ia ki khynnah ha CHC Mawkyrwat ban iada na ka jingpang pynhiar, ha ka jingiadon lang u Dr Sharad Babu, u nongai buit jong ka World Health Organisation.
Ka kong Laloo ha ka jingkren ka jong ka kala ong ba la pynlong ia kane ka jinghikai ka long ban pynsngewthuh ia ki paidbah kumno ban iada na ka jingpang pynhiar namar kane ka jingpang ka dei na ka um bad kane ka jia bha ia ki khynnah kiba hapoh ka san snem bad ha ka juh ka por ban pynsngew ia ka jingdon kam ban ai buin ia ki khun.
Ha kane ka jingialang la ong ka DC ba shen ynsa pyntip paidbah ha kaba ia dei bad ka jingpyndih dawai ha kaba ia dei bad ka “Measles-Rubella Vaccination” bad la kyntu ia ki paidbah ba kin ia trei lang khang ba pynthikna ba baroh ki khynnah kid ei ban ioh ia kane ka jingpyndih dawai.
U Dr. Sharad Babu ha ka jingkren ka jong u la ong ba bun sien kane ka jingpynhiar ka ialam sha ka jingkhlad noh jong kiba bun ki khynnah kiba hapoh ka san snem. Ia kane lah ban iada da kaba pyndih ia ki dawai jingiada bad da kaba leh khuid kumta u la kyntu ia ki paidbah ba kin ia shnoh ki lang ha kane ka jingai dawai.
Kiwei kiba la kren ha kane ka jingialang ki long Dr W. L. Narry, Medical & Health Officer, Mawkyrwat C.H.C. Dr. F. R. Lartang,ba dei peit ia la District Medical & Health Officer, South West Khasi Hills District kaba la pyniaid ruh ia ka jingialang.
