Shillong, Lber 27: Ka ophis jong ka Central Bureau of Communication, Field Office, Nongstoinhapoh ka tnat Information bad Broadcasting, Sorkar India ka la pynlong ia ka prokram ai jingtip halor ka Systematic Voter’s Education bad Electoral Participations (SVEEP) hynnin ka sngi ha NongstoinKolej, ha ka jingiatreilang bad ka tnat Election, Ophis jong u Deputy Commissioner, Sorkar Meghalaya, West Khasi Hills Distrik.
U kongsan, Bah H. KerwoodThabah, ADC, West Khasi Hills u la ong ba ka jingai jingtip ia ki nongjiednongmihkhmat bad ka jingiashim bynta jong ki ha kane ka kam jiednongmihkhmat ka long kaba kongsan ha ka synshar paidbah.
U la ong ba ka long kaba donkam bha ban sngewthuh ia ka jingkordor jong ka jingiashim bynta ha ka jingjied nongmihkhmat, khamtam da ki samla. U la kyntu ruh ia baroh ba kin iashim bynta ha kane ka elekshon ka ban long ha ka 19 tarik u Iaiong ha Meghalaya.
U Resource Person, Bah P T Blah, Deputy Labour Commissioner uba dei u nongai jinghikai jong ka Tnat ElekshonWKHD, Nongstoin, u la pyni ia ka rukom treikam ka kor EVM bad ka kor VVPAT.
U la bataiia ki briew shaphang ka rukom iashim bynta kaba khuid bad ka jingpyndonkam ia ka teknoloji kum ki kor Electronic Voting Machine (EVM) bad ki kor Voter-Verified Paper Audit Trail (VVPAT). La pynlong ruh ia ka jingiakop quiz halor kane ka phang ha kane ka sngi.
La pynlong ruh ia ki jingiakhunthoh slogan bad ki jingiakhun ai jingkren halor kane ka phang. La sam ruh ia ki certificate bad song tyngka sha ki nongjop. Ka Kong DeliciaJyrwa, Field Publicity Asst, CBC Nongstoinka la pynkutia ka jingialang da ka jingkren ai jingkhublei.
