Shillong, Iaiong 13: Ka seng HYC seng kmie ka pynrem ia ka jing shah pyndik ki arngut ki nongialam niam ki ba mih na ka ka jylla ba leit Sha ka jylla Bihar na ka bynta ki kam mission jong ki ha katei ka jylla.
Ka seng ka dawa na ka sorkar jylla ba ka dei ban ai ia ka jingpynshitom ka ba biang ia kito ki briew ki ba don kti haba iadei bad kato ka jingjia ki dei ban ngait ka jingpynsajia katkum ka aiñ.
Kumjuh ruh ka seng ka dawa ruh ia ka tnad kam poh iing ka sorkar pdeng ba nangne shakhmat kim dei shuh ban nang iai jia ki ba kum kine ki jingjia. Ia ki briew jong ngi ki ba leit na ka bynta ka kam bad ia kaei kaba ka constitution jong ka Ri India ka ailad, ym ban pynthud, pynkulmar iano iano.
U la ong ba ban ialap niam ha Ri India ka dei ka hok ba ka constitution jong ka Ri India ka ai. Km shym don k jingkhang ban ialap niam hangno hano. Kano kano ka niam ka la ban ialap iala ka jong ka jingngeit habaroh kawei ka ri India.
Ym don aiñ ban khang ban leh ia kata. Haba la don ka aiñ dei ban burom. Haba ki briew ki leit Kat kum ka aiñ kam dei ban don kano kano ka jingshah pyndik ne pynthud.
Wat mi seng bhalang ruh haba ki lei ban peit ia ki nongbylla ki poiwir poi hap ba ha ka jylla ki kylli la ki don ne em ia ki work permit. Namar balei ki leh iakane namar ka don ka aiñ kaba ong ba ki ba wan hangne ki dei ban don kine ki jingdonkam ki khlem leit ban shu leh riewkhlaw.
Wat ki seng bhalang ruh haba ki lap ia kiba kum kita. ” Ngi aiti ha ka tnad Pulit’ u la ong. Kiba kum kine ki jingjia kim dei shuh ban dang iai jia shuh nangne shakhmat, la ong u president ka seng HYC.
U bah Robert June Kharjarin u la buh ka jingkytu ruh ia ki paitbah ka jylla jongngi ba kin nym dei ban leh shongshit ne pynshit ha ki social media khlem pat da tip ia ka jingjia ba thikna. Namar teng teng kane ka jing leh ka ba khlem.pat da tip thikna ka ap jingma ia ki briew jong ngi ki ba don shabar.
