Shillong, Naiwieng 18: Ka Khasi Students’ Union Mawlai circle bad Nongthymmai circle ka la pynrem bad pyrshah jur halor ka jingkem bad pharep kulmar ki bor sorkar lyngba ka tnad pulit ia ki dkhot ka seng na Mawlai bad Nongthymmai, kane ka jingleh jong ki Pulit ka long namar ba ki shu pharep ia ki dkhot jong ba ki don bynta ban pynkulmar ha ka jingiaid Rally jong ka FKJGP.
Ka la pynlyngngoh ia ka rukom leh ki pulit bad i kumba ki theh petrol ha ka ding namar la shu pharep bad kynnoh bad kem la kumba kem ia ki lehnoh. Ka jingkylli kaba kwah ban buh sha ka sorkar hato ka sorkar ka la shim khia ne ka la pynurlong mo ia ki mat jingdawa ka jaitbynriew.
Ne ka shim khia beit tang ban pyntyrha ia ki samla ka jaitbynriew, Kine ki jingleh ka sorkar ki pynbitar bad ki kwah ban nion ia ki samla ka jaitbynriew ban tei pop ,pharep khlem nongrim.
Ka kyrwoh kaba shai sha ka sorkar ka long sangeh shisyndon ka pyntyrha bad nai pynjrong khana ioh ka poi sha ka lynti kaba ym lah kun shuh iaka jingsngew ,namar la ju iai shim kabu man ka por ha kiba bun ki liang.
Ki kam ki bym shoh toh la pynheh bad la shu pynsohsat jubor ,kane baroh dei ka jingleh ka sorkar kaba thmu ban pynkbum jubor ia ka hok ban Pynsngew ia ki jingeh ka jaitbynriew,ha kaba ki samla ki ju iai mih sha khmat ban kren ban dawa man ka por.
Lada shah thombor ki khasi ha ki bar jylla ki ka tnad pulit kam ju shimkhia bad la ju don ruh ki pulit kiba kwah ban pynjah kumto ia ka jingjia ne da kaba pyntieng ia kiba ha iing bad sa phah iasuk jubor wat la ka jingjia ka la poi sha ka jingmynsaw,katba ia ki samla khasi ki nion la kumba nion iaki lehnoh.
Hato ka aiñ ka trei kam tang ia ki khasi, lada ka iai long sah kumne ka tlang kan kylla lyiur bad ka sorkar ka dei ban shim iaka jingkitkhlieh. Ka Kyrwoh na u Samla Biangbor L.Paliar President KSU Mawlai Circle bad Samla Eric Nongkynrih President KSU Nongthymmai Circle.
