Shillong Kyllalengkot 03: Ka kynhun ia lehkai kynjat ball kaba paw nam na kane ka dong shatei lam mih ngi jong ka Ri India ka Shillong Lajong Football Club kala pynrung player thymmai saw ngut kiba dei na sha bar jong ka Ri India ban pynkhlain ia ka kynhun shiwa ban poi ka I-League kaba hynniew na ka bynta jongu snem 2016-2017.
Kine ki saw ngut kiba la pynrung hapoh jong ka Shillong Lajong FC ki long u Dan Gelu Ignat, u ba na ka Ri Romanian u ban ia lehkai kum u defender , u ba na ka Ri Japan u ban ia lehkai ha pdeng la tip kyrteng kum u Yuta Kinowaki bad u ba na ka Ri Cameroonian u ban ia lehkai kum u striker , u Aser Pierrick Dipanda.
Ka Shillong Lajong FC kaba bat ia u nongialehkai na ka Ri Brazil u ban ia lehkai sha khmat u Fabio Pena Henrique u ba la thep ia ka club ha ka jingialehkai I-League kaba la dep ha ka jingiakhun kaba nyngkong. Kine ki nongialehkai baroh kila ia lehkai na ki club bapher bapher bad kane kan pynlong ka jingkyrmen ba ka club kan sa lehbha ha kane ka I-League kaba hynniew kaba sa sdang shen.
U Coach jong ka Shillong Lajong u Thangboi Singto, u la ong ba da ka jingdon jong kine ki rangialehkai kiba la tbit bha kan long ka jingmyntoi ia ka kynhun ialehkai. Na ka liang jong u coach jong ka Club u la ong ba kane ka team kan sa ia rygnkat bor bad kiwei ki team jong ka Ri India ha kane ka I-League ka ban wan.
