Shillong, Nailur 8: Kao phis jong u Deputy Commissioner jong ka East Khasi Hills District kala pynlong ia ka jingpynshai paidbah ha kaba ia dei bad u NPR Biometric Enrolment lane ia kaba la ia tip paidbah kum u Aadhaar. Ia kane ka jingialang pynshai paidbah la pynlong hapoh iing dorbar jong ka shnong.
Ia kane ka jingpynshai paidbah la pynlong da ka jingiatreilang ha pdeng ka ophis jong u DC bad ka ophis jong ka Directorate of Census Operation, Meghalaya, ha kaba la don lang ka kong P. L. Lawai, Project Director, DRDA, u Bah S. S. Syiemlieh, ADC, ryngkat u rangbah shnong jong ka shnong Lawsohtun.
U nongkren ba kongsan eh ha kane ka sngi u dei u Bah J. Swer, Statistical Investigator, u la batai kaei ka jingmyntoi kaba lah ban ioh da kaba don ia u Aadhaar. Ha kane ka sngi la pynshai paidbah ruh ia ka ei kaba ki paidbah ki buh jingkylli.
