Shillong, Naiwieng 06: Ha ki bynta jong ka Khasi Hills ki don lai tylli ki hat kiba la plie ha khappud bad ka Bangladesh, ka Nolikata ha South West Khasi Hills District, Balat Border Hat ia kaba la tip kum ka Dolura bad kaba ha Ryngku.
Katkum ka jingtip kiba la ioh la ong ba mynta u snem kala mih shibun ki jingeh ha kine ki hat namar ka jingmushlai palat jong ki shipai Bangladesh Border Guard (BGB) jong ka Bangladesh ha kaba ia dei bad ka jingwan rah ia ki mar na ka thie ka ri ban die ha kine ki Hat.
Na ka liang jong ka Ri India Lyngba ki District Magistrate kiba dei ban peit ia kine ki hat kila leh shitom ban pynthikna ba kine ki iew kin iaid beit, na ka liang jong ka Ri India kam don jignwit ei ei ruh em namar ka kwah ban kyntiew ia ka khaii pateng na kine ki jaka.
Kiwei ki lat khubor ki iathuh ba kane ka jingthut ka long ba ka thie ka ri Bangladesh ka dang pynkhreh mynta ia ka elekshon sha ka iing dorbar thaw ain ka thie ka ri bad hakum kine kip or ki juh don ki jignthut bad khmih lynti ba ha dien ka elekshon ban long ha ka 1/01/2024 kin sa iaid beit biang.
Haba kren ha u SP News Agency u wei na ki dkhot ka Kommittee ba peit ia ka Hat Dolura la ong ba na ka liang jong ka Ri India kam don jingwit ei ei bad u ADC ba peit ia kine ki Hat u bah Peter Passah u la leit hi da lade ban jngoh ia kine ki iew ban peit ba kan nym don kano kano ka jingthut.
