Shillong, Nailar 26: Ka jingialang jong ki nongkit kam jong ka Meghalaya Pradesh Congress Committee (MPCC) kala long mynta ka sngi ha Congress Bhawan, Thana Road, Shillong, hapoh ka jingpyniaid jong u Bah DD Lapang kum u president jong ka seng.
Ha kane ka jingialang da kawei ka sur kila rai ban pynthymmai noh ia ki nongkit kam jong ki briew ha ki committee bapher bapher kiba khlem trei kam, ha ka jaka jong ki ym jied thymmai da kiwei pat kinongkit kam kiba lah ban trei kam.
Haka jingpynlait khubor jong u, general secretary ka MPCC u Manash Das Gupta, la ong ba kin pynlong ia ka jingialang ha Tura ha ka taiew bakhatduh jong u Nailur, khnang ban ka MPCC kan dup lah ban leh ei ei ban pynkhalain ia ka party.
Ha dien kane ka jingialang na ka liang jong u president jong ka MPCC u la pyntip sha u Genenral Secretary jong ka AICC ba deipeit ia ka jylla Meghalaya u C. P. Goshi, ban pyntip ia kaei kaba ka party kala leh ha kane ka jylla bad kala don ruh ia ka jingiakren ha kaba ia dei bad kane ka jingpynsmai myntri thymmai mynta ka sngi ha Raj Bhavan ia ki ar ngut ki MLA. Kane ka jinialang kaba la long mynta ka sngi ka dei katkum ka jingbthah jong ka AICC.
