Jowai, Nailur 08: Ka Jaintia Students’ Union (JSU) Mynsoo Unit ka pynpaw iaka jingpyrshah Jur halor iaka jingthmu jongka tnad ba dei peit iaka koid ka khiah ban pynkynriah kam noh ia u Dr. Khainmi War na Mynsoo PHC uba dang shu wan join ha poh kane ka PHC dang haka 18 tarik July mynta u snem.
U Bah Layerson war president ka JSU Mynso Unit u la ong ba ka Mynso PHC haduh mynta ka dang don tang lain gut ki Doctor, ba kynthup ia u Dr. War, hynrei kaba sngew phylla pat ka long ba na ka liang ka tnad ka koid ka khiah wad lada u Doctor K. War u dang shu poi pynpan kala don ka jingthmu ban transfer noh ia u. bad kane ka jingthmu jong kane ka tnad kala pynduh mynsiem shi katdei eh iaki Paidbah jongka thain baroh kawei.
Ha ka jingshisha, kum ka PHC kam pat biang satia ban don tang lai ngut ki Doctor bad ka tnad ba dei peit iaka koid ka khiah ka la dei ban pynioh shuh shuh iaki Doctor bad ki staff Norse , hynrei ym tip pat na kaei ka daw ba ka don pat ia kane ka jingthmu ban transfer ia u wei naki Doctor, bynrap shuh shuh u lawyerson.
Naduh ba ioh lai ngut ki Doctor hapoh kane ka PHC Mynso, kane ka PHC kala sdang ban iaidbeit khamtam ha kaban pynbiang iaka jingshakri iaki paidbah kiba pang ba shitom jong kane ka thain wat ha ka por miet, bad ki paidbah ruh kila sngewkmen shisha bad lada pynduna pat iaki Doctor ym tip shuh kaei ban jia biang ia kane ka PHC.
Kumta halor kane ka nongrim na ka liang ka JSU Mynsoo Unit ka pynpaw iaka jingsngew pyrshah bad la kyrpad jur iaka tnad ka koid ka khiah ban pyrkhat lem iaki paidbah jong kane ka thain bad ban pynneh ia u Doctor K. war hapoh ka Mynso PHC.
