Shillong Jymmang 27: Ka jylla Meghalaya kala ioh rah ia ka khusnam ‘India Biodiversity Awards 2016’ halor ka phang ba kumno ban pyndon kam ia ki jaboh kiba mih na ka mariang iakane ka khusnam la shim da u Ch. Vidyasagar Rao, lat jong ka jylla Maharashtra bad u Prakash Javadekar, myntri ka sorkar pdeng ba deipeit ia ki kam khlaw. Ha ka jingialang kaba la long ha Mumbai ha ka sngi rakhe ia ka “International Day for Biological Diversity” ha ka 22 tarik mynta u bnai.
Ka seng trei lang kaba dei na ka shnong Mawkyrnot kaba hap hapoh jong ka Block Pynursla kala shah pynkup ia kane ka khusnam namar ka jingdon jong ka ia ka jingkieng b aim kaba la pyndon kam da ki thied dieng jri ha kine ki snem kiba la leit noh.
Ka sorkar Meghalaya mynta u snem kala phah ia ar tylli ki kyrteng bad kawei na kine ka dei ka jingdieng jri kaba don ha Mawkyrnot, bad kane ka jingkieng ka long ba ki khasi kila nang naduh hyndai kumno ban iada ia ka mariang.
