Shillong, Iaiong 14: Ka KSU Pawphlang Area Unit kum shibynta ban lum lang iaki samla jongka 
dong ka Thain bad ban kyntiew ruh iaka sap ka phong jongki samla ka Thain haka liang ka jingialehkai football ka la ioh ban pyniaid iaka ” 1st Maitshaphrang Football Tournament,2019 ” ha kaba la ioh ban pynhap pyrda noh ia Kane ka Tournament haka sngisaitjain 13/04/2019.
Ka jingialehkai ha kane ka sngi ka long kaba shongshit bha hakaba ka Rangblang Pombriew SC haka minit kaba 15 kala ioh ban pynkhih iaka jar bad tam da ka 1-0 haduh ban da kut ka kylla step. Hadien ka jingshong jahthait ba tang shipor haka kylla miet ka Ngundilang SC kala iakhun tyngeh ban ioh ban pynphai kylla iaka shi goal haka minit ka 68.
Hadien kane ka jingioh pynphai kylla jong ka Ngundilang, ka jingialehkai kala long kaba kham shongshit shuh shuh hakaba baroh ar tylli ki team ki iakhun kham tyngeh ban ioh iaka jingjop hynrei hakane ka jingialehkai khlem don balah ban thep goal biang haduh ban da kut. Kumta, ki nongpyniaid jong kane ka jingialehkai kila rai syndon da ka tie breaker hakaba ka Ngundilang sc kala pynrung shapoh ka jar da 4-2 kol .
U bah Carnes Sohshang MDC jong ka mawkyrwat constituency kum u kongsan hakane ka sngi ula kyntu iaki samla donsap jong kane ka thain ba kin long barabor ki trei shitom ban pynlut por haka ban kilan met hakane ka jingialehkai,bad ban kiar na ki jingdih ba pynbuaid bad ki jingmyllien kiba sniew kiba lah ban ktah iaka koit ka khiah.
Kiba iadon ryngkat hakane ka sngi ki long u Sordar jong ka shnong Mawiong, u samla Rutherford Lyngdoh Genera Secretary KSU Mawkyrwat Circle , u samla Johnmilton Shangdiar Sports Secy. KSU Mawkyrwat Circle , u samla Gliterson Lyngdoh, u samla Tanlumbor k kharai bad ki riew rangbah kane ka thain kila ia don ban sakhi lang ia kane ka sngi.
