Shillong, Rymphang 26: Mynta ka sngi katba u myntri rangbah ka jylla u Conrad K Sangma u leit ban plie ia ka madan kynjat ball ba la shna da u phlang plastic ba nyngkong ha Tura, ki paidbah kila rah lama iong ban pynpaw ia ka jingpyrshah halor ka jingshah jied jong u Rakesh A Sangma kum u CEM jong ka GHADC.
Ha kane ka sngi la iohi ba ki paidbah kila ia mih ban ieng ha ki surok jong ka sor Tura ban poi sha ka madan kynjat ball kaba u myntri rangbah ka jylla u dang iaid lynti ban poi sha katei ka jaka ban plie ia ka madan kynjat ball bala shna da u phlang plastic.
Kane ka jingiapyrshah ki paidbah ka Garo Hills halor ka jingshah jied jong u Rakesh A Sangma kum u CEM jong ka KHADC namar ba ki paidbah ka Garo Hills ki kynnoh ba u tei u MDC um dei ban donha katei ka shuki CEM, kane ka jingiakhih ka jong ki ka long ban dawa ba u dei ban hiar shuki noh.
Kumba kala paw na kawei na ki khubor ka long ba namar ka jingpyrshah jong ki paidbah u CEM jong ka GHADC u Rakesh A Sangma u la ban hiar shuki noh ha kane ka sngi nyngkong ban wan ban burom ia ka jingsngew jong ki paidbah.
