Shillong Lber 13: Ka Dorbar Shnong Mawlaingut bad ka Diengiei Durbar Area ki la pynlong ia ka jingiaid paidbah ( Rally) ban pynrem jur halor ka jingshah pyniap dusmon jong u Bah O
meka Myrthong na ka Shnong Mawlaingut, Diengiei kaba hap hapoh ka East Khasi Hills District.
Kine ki ar tylli ki Dorbar ki la pynrem jur ia ki runar ki riew thrangsnam ki bym don shuh ka jingiatip lem wat ban shim ia ka jingim ba kordor jong utei u Rangbah.Kum ka dak ban pynrem jur ki la pynlong ia kane ka jingiaid paidbah ryngkat ki lama iong ha katei ka shnong.
Ha kane ka jingiaid paidbah kiba la a shim bynta da ki Rangbah Shnong, Secretary Shnong, ki Nongtrei Asha ki kynhun seng bhalang, ki Driver jong Association jong ka Alto Tourist na Shilliangum Diengiei bad Nongpoh,ki Riewrangbah jong ka thaiñ, ki Nonghikai bad khynnah skul,ryngkat ki paidbah nongshong shnong jong ka thaiñ Diengiei nalor kiwei de.
Hadien ka jingiaid paidbah la pynlong ia ka jingialang ba lyngkot bad la bud sa ka jingthang Mombati bad la phah ruh ia ka jingngewlem sha ki bahaiing ba hasem jong utei u Rangnbah.
