Shillong, Naitung 21: Ban ai ia ka hok jong ki samla wad kam ha ka jylla, ka cabinet mynta ka sngi kala wan rah ia ka jingpynkylla ha kaba ia dei bad ka rukom ban pynlla ia ka exmin ha ki District selection Committee (DSC) jong ka sorkar.
Ka rai kaba ka cabinet kala shim mynta ka sngi ka long ban pynkloi ia ka rukom ban pynlong ia ki examin bad kumno ban pynbna ia ka result. Ha ka juh ka por yn bthah ia baroh kit and sorkar ba kin pyntip ia ki kam kiba lait ha kit and jong ki khnang ba ka DSC kan suk ban pynlong ia ki eksamin ha kaba thung kam bad ban pynlait na ka jingpynjlan ia ka por thungkam.
Ha kane ka sngi ka cabinet kala pdiang ruh ia ka rai ha kaba ia dei bad ka kyndon thungkam haba poh kane ka tand sorkar ha ki kyrdan kum ka kam Chief Engineer, Superintending Engineer, Executive Engineer, Sub Divisional Officer bad kiwei kiheh ophisar jong kane ka tand sorkar.
Ha kane ka sngi ka cabinet kala pdiang ruh ia ka rai ban ithuh noh ia ki khathynniew ngut ki nongtrei jong ka GSWSS kum ki nongtrei sorkar kiba la shut hung katkum ka jingiateh kular jong ka Hima Mawphlang bad ka sorkar ha kaba shna ia ka dam Mawphlang ban pynbiang um ia ka sor Shillong.
Kane ka jingiateh kular la iasoi ha u snem 1978 ha kaba ka sorkar ka hap ban thungkam ia ki briew na katei ka hima ha ki kam Grade III, Grade IV nad khalasi da kane ka rai jong ka cabinet kitei ki 17 ngut ki briew mynta kila long ki nongtrei ba pura jong ka sorkar hynrei sngewsih u wei na ki u la khlad noh ha u snem 2001.
