Shillong, Lber 01: U bah Lahkmen Rymbui myntri ba dei peit ia ka tnad kam poh iing haba kren ha ki lat pathai khubor la ong ba ka jingialang jong ka Kabinet kaba la long mynta ka sngi kala shim ia ka rai ha kaba ia dei bad ka “Meghalaya Foodgrain and SK Oil Public Distribution System Control Order 2022”.
Kumba ka long mynta ka jingjied ia ki nongdie lang ai khaw rashon ka long na ka bynta shikatta ka jingthung ia ki nongdie lang ia ka jingai khaw rashon ka long na ka bynta shisnem, hynrei da ka jingwanrah ia kane ka jingpynkylla ka jingthung ia ki nongai khaw rashon kan long na ka bynta ar snem.
Haba ia dei bad kiba sam khaw rashon lyngba ki dukan rashon ia kaba la juh ai shisien shisnem mynta pat ka kabinet kala shim ia ka rai ba ia ki dukan rashon dei ban ai jingbit bih na ka bynta lai snem.
Ha kane ka sngi ka Kabinet kala pdiang ruh ia ka jingpynkylla ia ka Meghalaya State Consumer Protection ha kaba ia dei bad ka tulop bad kiwei kiwei ki jingsiew na kabynta ki nongtrei hapoh ka Commission ba ka jingsiew ka dei ban long kaba ia ryngkat lang ia baroh.
Ha kane ka jingialang ka kabnet kala pdiang ruh ban don ia ka Meghalaya Directorate of Sainik Welfare bad ka Zila Zainik Welfare ba ka bynta ki shipai suin, shipai Duriaw bad shipai ryngkew ia kaba la shim ha u snem 2020.
