Shillong, Naitung 17: Ka HYC Mawlai circle shi bynta ka jingrakhe ia ka jingdap 6 snem Jong ka HYC, bad
ha kajuh kapor ka jingkynmaw burom ia ka lyngkhuh snem iap ba 185 snem u Tirot Sing mynta ka 17 tarik Naitung ka la pynlong ia ka jingsynreit dawai ha shi lynter ka Surok bah Mawlai ia kaba la sdang na Jingkieng Mawlai Iewrynghep ter ter sha Jan Lynti rim Nongkwar bad la pynbud sa ia ka long round road Mawlai pump, Nonglum , Mawdatbaki Shaduh Mawroh.
Ha kane ka sngi ka seng ka la ioh ban ai Sngewbha ia ki Stand Hand free sanitizer , ki mask bad sanitizer sha ka Dorbar shnong Iewrynghep, Phudmuri bad Mawroh, la sam de ki Paitbah nongiaid lynti nongshong dukan da ki mask bad sanitizer.
U la Ong Ka Jingsynreit dawai Jong ka seng ha kane ka jingdap 6 snem Jong ka, ka long ka dak ym tang ban pyniap ia ki khniang jingpang lane ban iada na u COVID-19, Hynrei ka long ruh Kum shibynta ka dawai ban pyniap noh ia ki mynsiem pihuin arsap, ka jingiakawang ktieh bad jingiatan tyllai hapdeng ka Jaidbynriew Jong ngi.
U la Ong ruh kum ka seng ha kine ki 6 snem ba la dep ngi la mad ia shibun ki jingtynjuh lane ki erlangthari, Hynrei u la Ong ba ka HYC hi da lei lei Kan nym khyllem, ngin long kum u Diengbilat uba ki thied kin nang ngam skhem hapoh niamra bad ki tnad Jong ka kin dang iai kaweh na bynta ban pynthikna ia ka shongsuk shongshngain hapoh ka Bri u Hynniewtrep.
Haba ai jingkren u Bah Donboklang Kharlyngdoh President HYC Mawlai circle u la Ong ka seng mynta u Snem kam shem la lah ban pynlong ki prokram kiba iadei bad ka jingdap snem Jong ka seng lane kum ka jingkynmaw burom ia u Tirot Sing Syiem lyngba kiwei ki prokram.
Hynrei mynta u Snem namar ka jingwan Jong kane ka Khlam COVID-19 ha shityllup ka pyrthei, ha kaba ka la wan iuh kjat ruh hangne ha Ri jong ngi, ka seng ka la shim ia ka rai ba ha kane ka sngi, ngin iakhun da kaba iada ia ka imlang ka sahlang lyngba ka jingsynreit da ki dawai bacteria (Sodium tablet), bad ia kane ka program la sdang naduh ka 6 baje mynstep bad la pynkut ha ka por 10 baje mynstep.
Ha kane ka sngi la don lang ruh ki rangbah shnong na ki shnong jong ka mawlai ban sakhilang ia kane ka sngi leh burom ia ka jingdap 6 snem jong ka seng hapoh ka Mawlai Pyllun.
