Shillong, Jylliew 29: Mynta ka sngi ka kynhun seng riewniam kaba la tip kum ka Daughters of St Paul, ia ka jingdap 50 snem ha ka jingdon jong ki ha kane ka jylla Meghalaya, ha kaba kila sdang ia ka jingtrei kam da ka jaka die kot Pauline Book bad Media Centres ha u snem 1973 ha Laitumkhrah.
Ia kane ka jingrakhe la pynlong ha iing mane bah ha Laitumkhrah, ha kaba ia mass bakhuid la pyndep da u Arch Bishop Rev. Victor Lyngdoh ha ka jingdon lang ki riew ki lyngdoh sohblei bad ki riew niam ban pynkhraw ia kane ka ka sngi, ha Meghalaya ka Sister Shalini Rose Joseph ka dei ka nongpeit ba ha khlieh duh.
Ia kane ka kyndhun seng riewniam la sdang ha u snem 15/Jylliew 1915 da u riew khuid James Alberione bad ia kane ka kynhun la ai kyrteng da ka Daughters of St Paul bad kane ka kynhun kala iar bad mynta kala kylla long kawei na ki seng niam ban pynphriang ia ki lat jongtip ha ka pyrthei.
Kane ka kynhun riewniam kala don bynta ruh ha kaba pynphriang ia ki kam ialap ban pynphriang ia ka ktien jong u blei lyngba ki kot, ki jingrwai lyngba ka Pauline Book bad Media Centres, kane ka kynhun mynta ka don ia ki jaka die kot jong ka ha ki 52 tylli ki ri jong ka pyrthei. Ha India ki don 17 tylli ki kynhun bad ki don 22 tylli ki jaka die kot Pauline Book bad Media Centres.
