Shillong, Jymmang 05: Ka District kum ka Tirap, Changlang bad Longding kiba don sha ki bynta ba shathie jong ka jylla Arunachal Pradesh kiba iakhap bad ka ri Myanmar ki dang duna ha kiba bun ki liangkum ka Umbam Umdih ka light bad kiwei kiwei dei kaba ki donkam man ka sngi.
Kum shibynta ban ia tynronglem ia kane ka jingeh jong ki briew kane ka jylla naka liang jong ki shipai jong ka Assam Riffle kila sam ia ki solar lamp sha ki 20,000 ngut ki paidbah nongshong shnong bad kane ka jingleh ka long ban pynurlong ia ka kyntien phira jong ki “ Ki paralok na ki lum”.
Haba kren ha kane ka sngi u DIG jong ka Assam & Arunachal Range, jong ka Assam Rifles u la ai ka jingkular ba na ka liang jong kane ka kynhun shipai kan iai bteng ia kane ka jingai jingiarap iaki paidbah ban wan pynneh ia ka shong suk shong saiñ ha katei ka thaiñ. Na ka liang jong ki paidbah kila pynpaw ia ka jingsngewnguh ia ki shipai ka Assam Riffle ba kila ai kane ka jingiarap.