Shillong, Jymmang 17: U Dr Celestine Lyngdoh MLA jong ka Umsing, u ba dei ruh u Chairman jong ka Silver Jubilee Organising Committee, u la ong ba ka jingrakhe ia ka jingdap 25 snem jong ka Ri Bhoi District kan long san sngi lynter bad kan sdang ha ka 5 tarik jong u bnai Jylliew bad kan kut ha ka 9 tarik. Ha kine ki san sngi kin don bum ki jingpyninam kiba ia dei bad ka District.
Ki jingpyninam ha kine ki san sngi, kin kynthup ia ka riam tynrai, ka rwai tynrai, ka thain jain tynrai, ia ki jingdih tynrai kiba la pyndon kam da ki briew katei ka thain. Ha kine ki san sngi kin pyni ia ka parom jong ka thain Ri Bhoi Baroh kawei kyntup ia ki riti dustur.
Ha kane ka jingrakhe ia ka jubilee rupa, ym niew tang ruh ia ki kam pynroi kiba la leh ha kine ki 25 snem hapoh kane ka District. Ha bi Block baroh kin pynlong ia ka marathon bad ia ka phainal yn pynlong ha Nongpoh ka nongbah jong ka District.
Ha ka sngi plie ia ka jingrakhe ia kane ka jubilee rupa yn sap plie da u myntri rangbah ba rim ka jylla u Dr DD Lapang u ba dang dei ruh u MLA jong kane ka jaka haduh mynta bad ha ka sngi pynkut ia kane ka jingrakhe yn sa pynhap lama da u myntri rangbah ka jylla u Dr Mukul Sangma la ong u Dr C Lyngdoh.
