Shillong, Nailur 09: Mynta ka sngi kala don ka jingpynsaphriang ia kawei ka Video ha poh WhatsAPP ha bun tylli ki Group halor ka jingjubab jong u wei u briew ba kumno u la ioh ban rung sha ka jylla Meghalaya Khlem da don ba peit la ha Byrnihat ne ha Umiam View Point.
Ha ka Video kaba la paw kumba iathuh ba une u briew u la wan na sha bar ka jylla bad ha ka sngi ba ar ha kane ka jingwan kam shym don kano kano ka jingpeit bniah ia kiba rung ba mih ha ki khyrdop la ka long ha Byrnihat bad kum juh ha Mawlai la wan da kaba suk.
La sngewthuh na ka jingkren kaba la paw ha ka Video u ba u briew u dei na kane ka jylla bad shong ba sah ha Pynthorumkrah bad kam shym don kata ka jingpyrshah ia u ba un wan hynrei na ka Video ka paw ba kam shym don kata ka jingpeit ia kiba rung ba mih sha ka jylla kumba la pynbna da ka sorkar.
Na ka liang jong ka sorkar kam shym la pynkrkhing shuh ia kiba rung ba mih hynrei kaei kaba ka leh ka long ba haduh mynta ka dang buh ia ki jaka rung jaka mih jong ki briew ba wan sha jylla bad ki hap ban peit bniah la kiba wan rung ki long kiba shait ba khlain ne ki don ki jingshitom.
Na kane ka Video kaba la saphriang mynta ka sngi ha ki WhatsAPP ka pynpaw ba ka jingkren jong ka sorkar ba ki kam ba long ha ki jaka rung jaka mih kam shym la long kaba bniah, une u briew ha kane ka Video u la kam ba kam shym don kata ka jingpeit bniah ha ka por ba u rung sha Meghalaya.
