Jowai, Naitung 13: Ka jingleh niam beh Deinkhlam kaba saw sngi lynter kaba juh long man ka snem hapoh jong ka Elaka Jowai kala sdang mynta ka sngi hapdeng ka jinglehniam leh rukom katkum ka riti ka dustur ka jong ki.
Kane ka jingleh niam kan bteng haduh ka 16 tarik mynta u bnai kaba dei ka sngi pynkut da kaba bret ia ki Rot ha Aitnar kum ka jingpynkut ia kane ka jinglehniam leh rukom. Naduh mynta ka sngi sdang ki jinglehniam kin long haduh ka tei ka sngi kut.
Ia kane ka jinglehniam la juh pynlong ha dien ba la dep ban thung ia u kba, kane ka jingpynlong ia kane ka jingleh niam ka long ban kyrpad ia u blei nongbuh nongthaw ba un kyrkhu ia ka rep ka riang bad ba un iada na ki jingshah pynjot ha ka mariang.(SP News)
