Shillong, Nailur 08: Ha dien hynriew sngi ba la leit phai u Mukul Wasnik bad u CP Joshi ha dien ba kila dep ban ia kynduh ia ki nongialam jong ka seng Congress ha kane ka jylla Meghalaya, ki nongialam ba ha khmat eh u Bah DD Langpang, president MPCC, ka Debora Marak Working president bad u CEM jong ka KHADC u Bah Pynsnghiang kila shah khot ha ka AICC mynta ka sngi.
Katkum ki thymmei khubor kiba u SP News Agency u la ioh la ong ba mynta ka sngi kitei ki nongialam lai ngut kila leit sha Delhi mynta ka sngi ba ka sngi bad la sngewthuh la buh por ba kin ia kynduh ia ki nongialam ka AICC la shai ka sngi ha nongbah Delhi.
Na ka liang jong u Chief Minister u Dr Mukul Sangma la ong ba u la dep ban don ha Delhi, la sngewthuh ba kane ka jingiakynduh la shai ka sngi kan long kine ki saw ngut ki nongialam jong ka seng Congress na Meghalaya kin ia kynduh ia ki nongialam jong ka AICC.
Ka jingwan jong u Mukul Wasnik sha kane ka jylla Meghalaya ban ia kynduh ia ki nongkit kam jong ka seng Congress ha kaba kane ka jingiakynduh kala long haduh ar sngi ha kaba la synran lang da u Genenral Secretary jong ka AICC ba dei peit ia ka jylla Meghalaya u CP Joshi u la ia don lang.
