Shillong, Kyllalyngkot 08: Ki pulit jong ka Mawngap Outpost ha ka por dang saw tyngap ka suin bneng por 2.15 AM kila ioh ban pynlait ia ka khynnah kaba dang lai taiew na Umran Ri Bhoi District kaba la shah rahbor na Mawngap East Khasi Hills District ha ka sngi 7 tarik mynta u bnai.
Haba iathuh ha u SP News Agency na ka liang jong ki pulit jong ka Mawngap outpost kila ioh ia ka jingujor na kiba ha iing ba ba ka khun kynthei jong ki kaba dang lai taiew kala jah na ing bad kawei ka briew kaba la tip kyrteng kum ka Saralinda Kharphuli ruh kaba ia sah mar jan kala jah.
Na ka liang jong ka kong Shibani Khynriem ka kmie jong kane ka khyllung kala ujor sha ki pulit ba ka khun jong ka kaba dang lai taiew kala jah bad kum juh ruh ka kong Kharphuli. Mar ia ioh ia kane ka jingujor ki pulit kila pynlong ia ka jingwad bad dei ha ka por 2.15 baje mynta ka step sngi u blei la ioh ban pynlait ia kane ka khynllung na Umran.
Ki pulit kila ioh ruh ban kem ia ka kong Kharphuli n aka iing jong ka kong Sandon Kharlyngdoh, ia kane ka kong la wanrah sha Laban Police station bad la rah ia ka sha iing bishar mynta ka sngi. Na ka liang jong ki pulit kila ong ba kim pat kem ia ki trai iing, hynrei lada don kam ban kem ruh kin kem.
Ia kane ka kong Kharphuli la pynngat hapoh ka kyndon rahbor ka kyndon 363 IPC. Ha dien ba la dep pyndep ia ki jingdon kam baroh la aiti noh ia kane ka khunllung sha kiba ha iing ha sem. Ki pulit kin dang tohkit ia ka daw jong ka jingrah bor ia kane ka khyllung.
