Shillong, Kyllalyngkot 03: U M S Rao IAS, mynta ka sngi u la shimti kum u ophisar rangbah duh jong ka jylla Meghalaya (Chief Secretary) ha kane ka jingshimti la don lang ruh ki ophisar jong ka jylla Meghalaya.
Ka jingthung jong ka sorkar ia u Rao IAS jong u snem 1987 kala pynlong ia u Bah Hector Marwein IAS ba dei jong u snem 1985 u bala kham shuwa ia u ban ujor halor kane ka jingleh jong ka sorkar MDA kaba la ialam da u Cornad.
Halor ka ne ka jingleh jong ka sorkar kala pynlong ia shibun ki seng bhalang na kane ka jylla kum u MPLU, ka KSU ba kin kren pyrshah ia kane ka jignthung jong ka sorkar ia u ophisar ba dang kham sha dien ha ka kam ophisar rangbah ka jylla.
Katkum ki jingkhien u Bah Hector marwein IAS u ba la dei ban ioh ia ka kam ophisar rangbah ka jylla ka samoi trei kam jong u ka long sa tang phra bnai, katba u M S Rao ka samoi trei kam jong u ka long shisnem phra bnai.
Haba kren ha u SP News Agency na ophis jong u ophisrar rangbah duh jong ka jylla Meghalaya mynta la ka sngi la iathuh ba u ophisar rangbah ka jylla Meghalaya u MS Rao u la shimti ia kane ka kam mynta ka sngi ha ka jigniadon lang ki ophisar ka jylla.
