Shillong, Naiwieng 11: Kum u CEM ka KHADC nga pynpaw ka jingsngewkhia halor ka jingjia kaba jia mynta ka sngi ha Umlaper, Block II Ri-Bhoi District ha kaba u MP jong ka Karbi Anglong, Assam u Horensing Bey, u MLA ka Boithalangso, Rupsing Teron, EM KAAC, Pardeep Rongpi ki la wan ban plie ia ka stadium.
U bah Tisosstarwell Chyne CEM jong ka KHADC u la ong ba u la ïoh pdiang ia ka jingpyntip da ka shithi na u bah Charles Marngar, MDC ka Mawhati u ba la pyntip shaphang kane ka jingleh ka Sorkar Assam.
U CEM ka KHADC u la ong ba kane ka jaka ka dang hap ha ka jingiapynbeit khappud hapdeng ka Meghalaya bad Assam, la ong ba ha ka jingialang bad ka Deputy Commissioner jong ka Ri Bhoi District ka Kong RM Kurbah bad Deputy Commissioner na ka West Karbi Anglong District Assam ki la iakren bad rai ban burom ia ka status quo.
Ha khappud ka Sorkar Jylla Meghalaya bad Assam ki la ong pynneh bad burom ia ka status quo, Ïa mynta pat katba ka jingkren ka dang iaid ym dei ban don kano kano ka jingshna ne jingplie ia kino kino ki jingshna.
Ka long kaba pynkyndit ban ïohi ba ia ka jingleh donbor jong ka Assam bad jingleh arsap ba wat hadien ba la ia iaid ka jingiakren ruh hynrei ka Assam ka pyni ia la ka jong ka bor.
Kane ka pyni ia ka jingbym suidñiew bad jinglong arsap ka Sorkar Assam ba ha khmat ki ong ban ia pynbeit pud shwa hynrei nadien pat ki leh da kumwei, ka long kaei kaei kaba sngewsih namar ba ia na ka liang jong ka KHADC tang ban shna iaka lynti iaid kjat ki pyrshah,.
La ong ban leit tang ki sengbhalang ruh ban leit pynlong jingïalang ruh shah khang ki beh ki pulit ..ki pulit Meghalaya ruh ki beh bad pulit Assam ruh ki beh …ka long kaei kaei kaba sngewsih..kum kane ka long ka jingleh-raiñ iaka Sorkar Jylla bad ka ktah ia ka burom jong ka Sorkar Jylla..ka Jylla hi baroh kawei
“Nga kyrpad ia u Myntri Rangbah bad ki bor bahalor ba kin shim khia halor kane bad na ka liang jong ngi kum ki nongialam ka KHADC ngin sa lum ia ka jingialang ba kyrkieh bad ki MDC na katei ka thaiñ bad ki bor pyniaid ne synshar shnong katei ka thaiñ ngin sa phah wan ia u Syiem ka Raid Nongtung ngi hap ban ia pyrkhat khia halor kane” laong u CEM ka KHADC u bah Titosstarwell Chyne.
