Nongstoin, Iaiong 17: Ka Hynniewtrep People Social Organisation (H.P.S.O)West Khasi Hills District kum ka Kawei na ki sengbhalang hapoh ka thain bad hapoh ka Bri u Hynniewtrep katno ka dap da ka jingsngewkhia ban iohi hapoh ka Bri Hynniewtrep ba ki mih ki kynrum kynram hapdeng ki paradoh parasnam kumba jia hapdeng ka shnong Mawsngi bad ka shnong Mawkhap kaba hap ha ka Hima jyrngam sirdarship.
Ka seng ka buh ka jingkyrpad ia kine ki artylli ki shnong kiba hap hapoh ka Bri Hynnietrep kumba mih ha ki kot khubor ha kine ki taiew ba phin sngewbha ban ia peit ha ka lynti kaba bha khnang ba kan wanrah ka jingshongsuk ka jinglong kawei ha kane ka thain bad kan nym wanrah ka jingjia kaba sngewsih ha pdeng ki paradoh parasnam.
kumba ka seng ka ieng ha ka nongrim ban wanrah ia ka jingiatylli hapoh ka Bri Hynniewtrep na ka por sha ka por lada ngim nym kyndit bynriew noh mynta shaei ka lawei jong ki pateng kin poi kum kine lada ki mih ka pynlong ia kiwei ki jaidbynriew kin ioh lad ban iuhroit da kaba suk ia ngi nalor ngi long tang ki rit paid hakhmat kiwei ki jaidbynriew ko phi ki nongshong shnong ka Mawsngi,Mawkhap pyni noh ia ka nuksa jong ka jingiatylli.
Ka jinglong kawei khnang ba kiwei ki shnong hapoh ka Bri Hynniewtrep kin bud nuksa ia phi klet noh ia kiei kiei baroh sdang thymmai ka jingiaumsnam kam wanrah ia ka jingbha khamtam ia ki pateng jong ngi haei kin iaid kaei kin ong bad kan nym kut haduh lano lano ruh tang ka jingiasngewthuh da ka jingbha ka wanrah ka burom ia ki pateng jongngi bad kin iai pyrto ia phi ki nongshong shnong bad ka Bri Hynniewtrep kan imslem junom pynkut ka kyrwoh na u Phiradaker Marwein Publicity Secretary Hynniewtrep People Social Organisation West Khasi Hills District. (SP News)
