Mawkyrwat, Rymphang 13: Ka KSU South West Khasi Hills District hapoh ka jingialam jong u Samla Forwardman Nongrem kum u President bad u Samla Truelywell Lyngdoh General Secretary ka la leit ban iakynduh ia ka kong Ripnar Lyngdoh , Deputy Commissioner jong ka South West Khasi Hills District ban kyntu ia kane ka Deputy Commissioner ban thaw noh ia ka District Task Force committee, kum shibynta ban tehlakam iaka jingwanrung kyrthlep bad buhai shnong da ki briew ba nabar khamtam haki jaka kum Ranikor, Nongjri, Borsara bad kiwei kiwei.
Ka jingkyntu jong ka seng ban thaw noh ia kane ka committee ka long kat kum Ka Section 5(1) jongka Meghalaya Residents Safety and Security Act, 2016 hapoh jongka South West Khasi Hills District. Kane ka long ban tehlakam iaki bar ri bad bar jylla ban wan shong beain haki Shnong khasi kiba la wanrah iaka jingma jongki Khasi khamtam kiba sah ha katei ki thain.
Ki nongialam jong ka KSU kila ia kren ruh ban pyrkhing iaka Benami, halor kane ka mat , naka liang jongka KSU SWKHD ka la don ka jingsuba jur iaka jingjyllei ka Benami khamtam haki thain khappud bad ka Bangladesh. Kumta ,ka KSU kala naki bor district ba dei ban pyrkhing bha haka ban pyntreikam iaka Meghalaya(Benami Transactions Prohibitions) (Amendment) Act, 2016 hapoh jongka District khamtam haki thain khappud kum ka Borsora, Rajaju, Nongjri, Umsur, Ranikor bad kiwei.
Ha kane ka jingiakynduh Ka KSU ka la pan jingpynshai ruh halor ka register iaki nongbylla bar jylla hapoh District katba kum Ka Work Permit Kumba la pynbna paitbah daka Sorkar Meghalaya lyngba Ka Political Department ha u bnai Risaw jongka Snem 2012. Shuh shuh , naka liang jongka Seng KSU kala dawa na ka DC jongka South West Khasi Hills District ba dei ban thaw thymmai Biang iaka District Level Team khnang ba yn lah ban pyntreikam thikna iaka Work Permit nangne shakhmat.
Ha kaba iadei bad kine ki mat jingdawa , naka liang Ka DC ka la kular ban shimkhia khnang ban khanglad iaka jingrung tuh ki bar Jylla bad bar ri hapoh jongka District. Ka Seng kan iai peit pyrman halor kine ki bynta bad lada Ka sorkar kam leh eiei ngim Banse ban hap shim khia bad ban leheiei noh dalade khnang ban pynthikna ba ka Jaitbynriew kan nym Shah ktah haka jingwanrung beain daki briew ba nabar kane ka long katkum ka kyrwoh kaba la phah da u Bah Forwardman Nongrem, President, KSU SWKHD.
