Shillog, Kyllalyngkot 28: Ha ka 28 tarik Kyllalyngkot 2025, ba ka jingthep kyrtong ki kyrtong ban iaim aireng ha ka election MDC ka la iaid arsngi, u kyrtong ka Hill State People Democratic Party (HSPDP) u bah Starfing JL Pdahkasiej u la pyndep ia ka jingthep kyrteng hakhmat ka returning ophisar ha DC Ophis.
Haba iakren u la pynpaw Khasi Hill Autonomous District (Social & Custom of Linage) Amendment Act 2023. Kane ka aiñ ba dang shen ka dang ioh ka jingmynjur na u Lat ka Jylla, ban ai ka jingithuh ia ki Kur kiba don hapoh ka bri u Hynniewtrep, dei ban weng noh ia ka kyntien Register.
U la ong ba lada u jop ia kane ka election un iakhun tyngeh ban wanrah ia ka jingpynkylla ia kane ka Khasi Hill Autonomous District (social & Custom of Linage) Amendment Act 2023.
U bah Starfing J L Pdahkasiej u la ong ba Ka kamram ki MDC ka dei kaba khia haduh katta katta namar kadei halor ka jingpyn-neh ia ki riti ka dustur, ba u longshwa u la buh ban iada, da kaba u la pynksan ba ka HSPDP ka ieng ha ka nongrim ban pynneh ia kane naduh ba la seng iaka ha u snem 1968.
U la ong, ka thong jong u ban iakhun ia kane ka election ka long ban buh da ki aiñ na ka bynta ki It ki Hima, kumba la tip ba na ki 54 tylli ki Hima, 22 tylli ki la don la ki jong ki aiñ, 4 tylli kiba dang ap ka jingmynjur na u Lat bad 22 tylli ki dei ki Hima ba dang sahteng haduh mynta.
Hapoh ka Mawsynram constituency don 6 tylli ki Hima ki bym pat don la ki jong ki aiñ, lada u paitbah ka Mawsynram Constituency ki ibit ban jied ia u kum u MDC. ka kamram jongu ka long ban pynthikna ia kane, namar kane ka dei ka bynta ka District Council ban peit ba baroh ki Hima ki dei ban don la ka Jong ka aiñ.
